দানিয়েল 6:8 - Chakma Bible

⁸ ইক্কিনে ও মহারাজ, তুই সেই উগুমান লিগিনেই দিবে যেনে ইয়েন্‌অ মাদীয় আর পারসীককুনোর্ আরঅ এক্কান আইন অয় যিয়েন বাদ্ বা বদলা ন-যায়।”

দানিয়েল 6:8 ပူးပေါင်းရင်းမြစ်များ

ইষ্টের 1:19

সেনত্তেই যুনি রাজার অমত্‌ ন-থায় সালেন্ তে যেনে এক্কান্‌ রাজ-উগুম্‌ দে, বষ্টী আর কনদিনঅ রাজা অহশ্বেরশর মুজুঙোত্‌ এই ন-পারিবো। এ উগুমান্‌ পারস্য আর মাদিয়ার আইনোত্‌ লেগা থোক্‌ যেনে সিয়েন্‌ বাদ দিয়্যে ন-যায়। ইয়েনি বাদেয়ো রাজা যেনে বষ্টীত্তুন্‌ বেশ্‌ যগাজ্যে অন্য আর একজনরে রাণীর পোজিশনান্‌ দে।

ইষ্টের 3:12

সে পরেদি পত্তম মাজর্‌ তের দিনোত্‌ রাজার লিগিয়্যেগুনোরে ডাগা অলঅ। তারা পত্তি চাগালার্‌ অক্ষর আর পত্তি জাদর্‌ ভাষা মজিম্ হামনর বেক্‌ উগুমানি নানান্‌ রেজ্যত্‌ আর চাগালার্ শাজন্‌গুরিয়্যেগুনো ইদু আর নানান্‌ জাদর্‌ নেতাগুনো ইদু লিগিনে জানেলাক্‌। সিয়েনি রাজা অহশ্বেরশর নাঙে লেগা অলঅ আর রাজার নিজো আংটিবোলোই সীলমর্‌ গরা অলঅ।

ইষ্টের 8:10

মর্দখয় সেক্কে রাজা অহশ্বেরশর নাঙে চিদিগানি লিগিনে রাজার সোই গোজ্যে আন্দিক্কোলোই সীলমহর্‌ গুরিলো। সে পরেন্দি তে রাজার এক বাবোত্যে জোরেই দাবা দি পারেদে ঘোড়ালোই হবর্‌ কোইয়্যেগুনোরে দিইনে চিদিগানি পাধেই দিলো।

ইষ্টের 8:3

ইষ্টেরে রাজার টেঙত্‌ পড়িনে কানদে কানদে আরঅ তাইদু কোজোলি গুরিলো। যিহূদীগুনোর বিরুদ্ধে অগাগীয় হামনে যে কুজুরোমি সল্লা গোজ্যে সিয়েনি বন্ধ গুরি দিবাত্তে তে রাজারে কোজোলি গুরিলো।

ইষ্টের 8:8

মাত্তর্‌ রাজার নাঙে লেখ্যে আর রাজার আন্দিক্কোই সীলমহ্‌র মাজ্যে কনঅ উগুম্‌ বাদ দিয়্যে ন-যায়। সেনত্তেই ইক্কিনে যেধোক্কেন্‌ তমার্‌ গম্‌ বিলিনে মনে অয় সেই যিহূদীগুনোর পক্ষে রাজার নাঙে আর এক্কান্‌ উগুম্‌ লিগিনে রাজার সই গোজ্যে আন্দিক্কোলোই সীলমহ্‌র মারঅ।”

গীতসংহিতা 94:21

তারা গম মানুচ্চোর্ বিরুদ্ধে দল বানন্ আর নিদ্দুযিবোরে মরণর সাজা দিবাত্যে দুষি বানান্।

যিশাইয় 10:1

অভিশাব্ পোড়োক্ সেই মানুচ্চুনোর্, যিগুনে অন্যেয় আইন জারি গরন্ আর মিজে দলিল বানান্ যেনে তারা নাঢা মানুচ্চুনোরে তারার্ অধিকারত্তুন্ সোরেই দি পারন্ আর মর্ অত্যেচার ওইয়্যে মানুচ্চুনোরে ন্যায়বিচের পাদে মানা গুরি পারন্ আর রানিমিলেগুনোর্ আর মা-বাপনেইয়্যেগুনোর্ জিনিস্‌ছানি লুদেই পারন্।

দানিয়েল 5:28

উপারসীন, অত্তাৎ ভাগ গরানা-তঅ রেজ্যগান ভাগ গুরিনে মাদীয় আর পারসীককুনোরে দিয়্যে ওইয়্যে।”

দানিয়েল 6:12

ইয়েন্দোই তারা রাজা ইধু যেইনে তারে তার দিয়্যে উগুম কধা ইদোত্ তুলি দিইনে কলাক্, “ও মহারাজ, তুই কি এ উগুমান জারি ন-গরচ্ যে, ইয়েনর পরেদি ত্রিশ দিনো ভিদিরে যুনি কনজনে তুই বাদে কনঅ দেবেদা বা মান্‌‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ?” রাজা জোব্ দিলো, “মাদীয় আর পারসীককুনোর আইন মজিম্ এ উগুমান থির্ আঘে, কিত্যে সে আইনান্ বাদ দিয়্যে ন-যায়।”

দানিয়েল 6:15

সেক্কে সেই মানুচ্চুনে আরঅ দল বানিনে রাজা ইধু যেইনে কলাক্, “ও মহারাজ, তুই ইদোত্ রাগেবে যে, মাদীয় আর পারসীককুনোর্ সুদোম মজিম্ রাজা যে উগুমান জারি গরে সিয়েন আর বদলা ন-যায়।”

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।