দানিয়েল 6:1 - Chakma Bible

¹ দারিয়াবসে তা রেজ্যর্ বেক রেজ্যগানি উগুরে একশ কুড়ি জন শাজন্‌গুরিয়্যে নেযানা যগাজ্যে মনে গুরিলো।

দানিয়েল 6:1 ပူးပေါင်းရင်းမြစ်များ

ইষ্টের 1:1

রাজা অহশ্বেরশে যেক্কেনে শূশনর্ তাম্বুলোত্‌ তার্‌ সিংহাসনত্‌ বজিনে রাজাগিরি গুরিদো সে অক্তত্‌ এ ঘটনাগান্‌ ঘোট্যে। ইবে সেই অহশ্বেরশ যিবে হিন্দুস্থানত্তুন্ কূশ দেজছান সং একশ সাতেশ্‌চান্ রেজ্য উগুরে রাজাগিরি গুরিদো।

যিরমিয় 51:28

তা বিরুদ্ধে যুদ্ধো গুরিবাত্তে জাদ্‌‌‌‌তুনোরে, মাদীয় রাজাগুনোরে, তারার্ শাজন্‌গুরিয়্যে গুনোরে আর বেক্ রাজার কামগুরিয়্যে গুনোরে আর তারার শাজনর্ অধীন বেক্ রেজ্যগানিরে যুক্কোল্ গরঅ।

দানিয়েল 11:1

মুই নিজেয়ো মাদীয় দারিয়াবসর রাজাগিরির পত্তম বজরত্ মীখায়েলরে সাহায্য গুরিবাত্তে আর বল্ দিবাত্তে যেইয়োং।

দানিয়েল 3:2

সে পরেদি তে সেই মূত্তিবোর্ থিদেবর অনুষ্ঠানত্ এবাত্তে রেজ্যর্ শাজন্‌গুরিয়্যেগুনোরে আর আজল্ পরিচালক্কুনোরে, বিভাগর শাজন্‌গুরিয়্যেগুনোরে, মন্ত্রীগুনোরে, কেসিয়ারুনোরে, দাঙর্ বিচেরক্কুনোরে, অন্য বিচেরক্কুনোরে আর অন্য বেক্ দাঙর্ পদত্ কামগুরিয়্যেগুনোরে ডাগিলো।

দানিয়েল 5:31

আর মাদীয় দারিয়াবসে বাষট্টি বজর্ বয়জত্ রেজ্যর্ ভারান্ গুজি ললঅ।

দানিয়েল 6:2

তারা উগুরে থেবাক্ তিন্নো রাজ-পরিচালক। সেই তিনজন ভিদিরে দানিয়েলে এলদে একজন। এ তিনজন ইধু সেই শাজন্‌গুরিয়্যেগুনে দায়ী থেবাক্ যেনে মহারাজর্ কনঅ খেতি ন-অয়।

দানিয়েল 9:1

মাদীয় অহশ্বেরশের পুয়ো দারিয়াবসরে বাবিল রেজ্যর্ রাজা গরা ওইয়্যে। তার্ রাজাগিরির্ পত্তম বজরত্ মুই দানিয়েল ভাববাদী যিরমিয়রে দিয়্যে লগেপ্রভুর কধা মজিম্ বোইবোত্তুন্ বুঝি পারিলুং যে, যিরূশালেমান সত্তুর্ বজর ভস্ত ওইনে পড়ি থেবঅ।

১ পিতর 2:14

অন্যেয় গুরিয়্যে গুনোরে সাজা দিবাত্যে আর যিগুনে গম কাম গরন্ তারারে নাঙ্ গিনিবাত্যে সম্রাটে যে শাসনগুরিয়্যে গুনোরে পাদায় তারার্ অধীনোত্অ থাগঅ।