দানিয়েল 5:8 - Chakma Bible

⁸ রাজার সেই বেক সল্লাদিয়্যেগুনে ভিদিরে এলাক্, মাত্তর্ তারা সেই লেগানি পড়ি বা রাজারে সিয়েনর ভেদ্‌তান্ কোই দি ন-পারিলাক্।

দানিয়েল 5:8 ပူးပေါင်းရင်းမြစ်များ

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

যিশাইয় 47:9

মাত্তর্ পুয়ো-ছা আরানা বা রাণিমিলে অনা এ দিয়্যেনই একই দিনে যে কনঅ সময় তর্ ঘুদিবো। তর্ বোউত্ যাদুবিদ্যে আর বোউত মন্ত্রতন্ত্র থেলেয়ো সিয়েনি তঅ উগুরে যদবদেগুরি ঘুদিবো।

যিরমিয় 50:35

লগেপ্রভু কোইয়্যেদে, বাবিলীয়গুনো বিরুদ্ধে, বাবিল আদাম্মেগুনো বিরুদ্ধে আর তা দাঙর্ পোজিশনর্ কামগুরিয়্যে আর জ্ঞানী মানুচ্চুনো বিরুদ্ধে তলোয়ার রোইয়্যে।

দানিয়েল 2:27

জোবত্ দানিয়েলে কলঅ, মহারাজ যে হবর্ ন-পেইয়্যে বেপারান কধা পুযোর্ গোজ্যস্ সিয়েন কনঅ জ্ঞানিবলা, ভুদো ওঝা, যাদুগরে বা গোণোক্ক্যে কোই ন-পারিবাক্।

দানিয়েল 4:18

“ইয়েন সেই স্ববনান্ যিয়েন মুই রাজা নবূখদ্‌নিৎসর দেখ্যং। ইক্কিনে ও বেল্টশৎসর, তুই ইয়েনর ভেদ্‌তান্ কি কঅ? মঅ রেজ্যর্ কনঅ সল্লাদিয়্যে ইয়েনর্ ভেদ্‌তান্ মরে কোই দি ন-পারন; মাত্তর্ তুই পারিবে, কিত্যে তঅ ভিদিরে পবিত্র এমন কিজু আঘে যিয়েনি এ পিত্‌‌থিমীত্ নয়।”

দানিয়েল 4:4

মুই নবূখদ্‌‌‌‌‌নিৎসর আরাম আর বেক্কানিন্দি ফোলেইনে মর্ রাজঘরানত্ এলুং।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

দানিয়েল 5:15

এই লেগাগান পড়িনে মরে ভেদ্‌তান্ কোই দিবাত্তে গুণবলা আর সল্লাদিয়্যেগুনোরে মইদু আনা ওইয়্যে, মাত্তর্ তারা ইয়েনর্ ভেদ্‌তান্ কোই ন-পারন্।