দানিয়েল 5:6 - Chakma Bible

⁶ তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

দানিয়েল 5:6 ပူးပေါင်းရင်းမြစ်များ

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

গীতসংহিতা 69:23

তারার চোগ্‌কুন কান্ ওক যেনে তারা ন-দেগন্, আর নিত্য তারার কমরুনোত্ গির্‌গিরেনি ধোরোক্।

যিশাইয় 35:3

যিগুনে বল্‌পোজ্যে তারার আঢ্‌তানি দরমর গরঅ; গির্‌গিরেইদ্যে আডুগুন্ ঠিগ্ গরঅ।

যিশাইয় 5:27

তারা কনজনে বল্‌পোজ্যে ন-অবাক্, উজোত্‌অ ন-হেবাক্; কনজনে ন-ঝুরিবাক্ বা ন-ঘুমেবাক্; তারার্ কমর্-বিজোনিগান খুলি ন-যেবঅ, জদার্ ফিতেনিয়ো ন-ছিনিবো;‌

যিরমিয় 50:43

বাবিল রাজা তারা পৌইদ্যেনে হবর্ শুন্যে আর তা আঢ্‌‌‌‌‌তান লুলো ওইনে দুলি পোজ্যে। পুয়ো ফুদোইদ্যে মিলে ধোক্ক্যেন অমকদ পীড়েই তারে ধোজ্যে।

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

যিহিষ্কেল 7:17

পত্তিজনর্ আঢ্ লুলো ওই যেবঅ আর পত্তিজনর আঢুগুন গির্‌‌‌‌‌‌‌‌গিরেবাক্।

দানিয়েল 2:1

নবূখদ্‌নিৎসরর্ রাজাগিরির্ দ্বিবজরত্ তে স্ববন দেগিলো; সেক্কে তা মনান্ থিদেনেইয়্যে অলঅ, তে ঘুম যেই ন-পারিলো।

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 4:5

মুই যেক্কে বিচ্চোনত্ পোজ্যে এলুং সেক্কে এক্কান স্ববন্ দেগিনে দোরেলুং; সে স্ববনত্ মুই যিয়েনি যিয়েনি দেগিলুং সিয়েনি মঅ মনত্ দর্‌‌‌‌‌‌‌বুক্ সোমেল।

দানিয়েল 5:5

সেক্কে অাদিক্ক্যেন্‌গুরি মান্‌‌‌‌‌‌‌জ্যর এক্কান আত্ এইনে রাজঘর ভিদিরে চেরাগ টগ কায়-কুরে দেবাল উগুরে লেগা ধুরিলো। লেগিবার অক্তত্ রাজা সে আঢ্‌‌‌‌‌‌‌তান দেগিলো।

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

নহূম 2:10

তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।