দানিয়েল 5:19 - Chakma Bible

¹⁹ তারে সেই খেমতা দিইনে বেক্ জাদ্‌‌‌তুনোর্, দেজর আর ভাষার মানুচ্চুনে তা মুজুঙোত্ দরে গির্‌গিরেদাক। তে যিবেরে আওজ্ তারে মারে ফেলেদ, যিবেরে আওজ্ তারে জেদা রাগেদ, যিবেরে আওজ্ তারে দাঙর্ পধত্ তুলিদো আর যিবেরে আওজ্ তারে তলেদি লামেই দিদো।‌‌

দানিয়েল 5:19 ပူးပေါင်းရင်းမြစ်များ

২ রাজাবলী 25:28

তে যিহোয়াখীনোর লগে লগেডালে কধা কলঅ আর বাবিলোত্‌ তা সমারে আহ্ যিদুক্কুন্‌ রাজা এলাক্‌ তারাত্তুন্‌অ বেশ্‌ তারে আরঅ সর্মান আসনান্‌ দিলো।

গম্ উপদেজ্ 16:14

রাজার রাগ্‌কান মরণ দূতো ধোক্ক্যেন্, মাত্তর্ জ্ঞানী মান্‌‌জ্যে সে রাগ্‌‌কান থামেই দুয়োন।

উপদেশক 8:3

যাদিমাদি রাজারে ফেলেই ন-যেয়ো। ভান্ন্যেয় কনকিজু সমারে ন-মিজেয়ো, কিত্তে রাজা তার আওজ্ মজিম্ কাম্ গরে।

যিহিষ্কেল 31:11

সেনত্তে মুই তারে জাদ্‌‌‌তুনোর্ শাজন্‌গুরিয়্যেগুনো আঢত্ তুলি দুয়োং; তার ভান্ন্যেই কাম মজিম তে তা লগে বেবহার গুরিবো। মুই তারে এলাফেলা গোজ্যং।

দানিয়েল 11:12

দোগিণো রাজা সৈন্যগুনোরে বন্দী গুরিনে নেযেবার পরেদি অহংকারে ভরা অবঅ আর আজার্ আজার্ মান্‌‌‌‌জ্যরে মারে ফেলেব, তো তে শেজদি ন-জিদিবো।

দানিয়েল 11:16

আক্রমন গুরিয়্যেবো যিয়েন হুজি সিয়েনই গুরিবো; তা বিরুদ্ধে কনজনে থিয়্যেই ন-পারিবাক্। দোল্ দেজ ভিদিরে তে নিজোরে থিদেবর্ গুরিবো আর সিয়েন ভস্ত গুরিবার খেমতা তার থেবঅ।

দানিয়েল 11:3

সেক্কে এক্কো খেমতাবলা রাজা উদিবো আর দাঙর্ খেমতালোই রাজাগিরি গুরিবো; তে যিয়েন হুজি সিয়েনই গুরিবো।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 3:4

সেক্কে ফগদাংগুরিয়্যেবো জোরে এ কধাগান ফগদাং গুরিলো, “ও নানান্ জাদর্, দেজর আর ভাষার্ মানুচ্চুন, তমারে এ উগুমান দিয়্যে অর্ যে,

দানিয়েল 3:6

যে মানুচ্চুনে মাঢা নিগিরি পড়িনে জু জু ন-জানেবাক্ তারে সেক্কে জোল্‌জোল্যে আগুনো চুলোত্ ফেলে দিয়্যে অবঅ।‌‌”

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

হবক্‌‌‌‌কূক 2:5

বাড়্‌বো গোজ্যে বাবিলান লগে আংগুর-রস্‌‌‌চানে বেঈমানী গোজ্যে, তারে থির্ নেইয়্যে গুরি তুল্যে। তে মরন জাগান ধোক্ক্যেন লুভী আর মরনান ধোক্ক্যেন কনদিন্‌অ ঈল্ ন-অয়; তে বেক্ জাদরে নিজো ইধু এগত্তর্ গরে আর তারারে বন্দী গুরিনে নেযায়।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।