দানিয়েল 5:17 - Chakma Bible

¹⁷ সেক্কে দানিয়েলে জোবত্ রাজারে কলঅ, তঅ বক্‌‌‌শিজ্‌‌‌চান তর্ থোক্ বা সিয়েনি তুই অন্য কাররে দিচ। মাত্তর্ মুই মহারাজ ইধু লেগাগান পড়িম আর সিয়েনর ভেদ্‌তান্ তারে কোম্।

দানিয়েল 5:17 ပူးပေါင်းရင်းမြစ်များ

পত্থম 14:23

তর কনঅ জিনিস, এন্‌ কি, এক্কেনা সুদো বা টেঙর্‌ জদা-সেন্দেলর্ ফিটেয়ো মুই ন-নেযেম। এ শমত্‌‌তান্ মুই গরঙর্‌ যেনে তুই কোই ন-পারচ্‌, মঅ সোম্বোত্তিলোই অব্রামে মাজন্‌ ওইয়্যে।

২ রাজাবলী 3:13

ইলীশায় ইস্রায়েল রাজারে কলঅ, “তঅ সমারে মর্‌ কি মিজেনা? তুই তঅ বাপ্পো বা মাবো ভাববাদীগুনোর ইদু যাহ্।” জোবত্‌ ইস্রায়েল রাজা কলঅ, “না, নঅ-যেম্‌, কিত্তে মোয়াবর আঢত্‌ তুলি দিবাত্তে গোজেনে আমারে তিন রাজারে ডাগিনে এগত্তর্‌ গোজ্যে।”

২ রাজাবলী 5:16

জোবত্‌ ভাববাদীবো কলঅ, “মুই যিবের্‌ সেবা গরঙ্‌ সে জেদা লগেপ্রভুর দিব্য, মুই এক্কান্‌ জিনিসঅ গুজি ন-লোম্‌।” নামানে জোর্‌ গুরিলেয়ো তে রাজী ন-অলঅ।

২ রাজাবলী 5:26

মাত্তর্‌ ইলীশায় তারে কলঅ, “সে মানুচ্চো যেক্কে তঅ লগে দেগা গুরিবাত্তে রথ্‌তানত্তুন্‌ লাম্মে সেক্কে মর্‌ মনানে কি তঅ লগে ন-যায়? টেঙা-পোইজ্যে, কাবড়্‌-চুগোড়্‌, জলপাইয়োর্‌ বাগান, আংগুর-ক্ষেত, গোরু-ছাগল-ভেড়া আর চাগর্‌-চাগরানী নেযেবার্‌ ইবে কি সময়?

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

দানিয়েল 2:6

মাত্তর্ যুনি তুমি মঅ স্ববনান্ আর সিয়েনর্ ভেদ্‌তান্ কোই পার সালে মত্তুন্ তুমি বক্‌‌শিজ, পুরস্কার আর দাঙর্ সর্মান পেবা। সেনত্তে তুমি সেই স্ববনান্ আর সিয়েনর্ ভেদ্‌তান্ মরে কঅ।”

দানিয়েল 5:29

সেক্কে বেল্‌‌‌শৎসরর উগুমে দানিয়েলরে বিগুনো রংয়র্ কাবড় উরেই দিয়্যে অলঅ আর তা গত্তনাবোত্ সনার্ নেগেলেচ্ পিনে অলঅ। তারে রেজ্যর্ তিনজন রাজা ভিদিরে একজনর্ পোজিশন দিবার কধা ফগদাং গরা অলঅ।

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।