দানিয়েল 4:35 - Chakma Bible

³⁵ পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 4:35 ပူးပေါင်းရင်းမြစ်များ

ইয়োব 23:13

মাত্তর্ তে বেক্কানিত্ থির্ থায়, কনজনে তারে মানা গুরি ন-পারন্; তার্ যিয়েন হুজি তে সিয়েনই গুরিদো।

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 40:2

“বেগত্তুন খেমতাবলা গোজেন সমারে যে কোল্ বাজায় তে কি তারে পরিবত্তন্ গুরিবো? গোজেন সমারে যে তর্ক গরে তে তারে জোব্ দুয়োক্।”

ইয়োব 42:2

“মুই হবর্ পাং তুই বেক্কানি গুরি পারচ্; তর্ কনঅ সল্লা গরানাগান্ বাদ ন-যায়।

ইয়োব 9:4

তা জ্ঞানান্‌ গভীন্‌, তা বলান্‌ অমকদ; কন্না তা বিরুদ্ধে থিয়্যেইনে রোক্ষ্যে পেইয়্যে?

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 135:6

আগাজত্, পিত্‌থিমীত, সাগরত্ আর পিত্‌থিমীর তলে জাগানত্ লগেপ্রভু তার আওজ্ মজিম কাম গরে।

গীতসংহিতা 33:14

যিগুনে পিত্‌থিমীত্ বজত্তি গরন্ তার্ থেবার জাগানত্তুন্ তে তারারে খিয়েল্ গরে।

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

গীতসংহিতা 49:1

ও বেক্ জাদ্‌তুন, তুমি এ কধাগান শুনো; যিগুনে এ জগদত্ বজত্তি গরর্ তুমি বেক্কুনে কান পাদঅ;

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

উপদেশক 8:4

রাজার্ কধানি যেক্কেনে বেক্কানিত্তুন্ দাঙর্ সেক্কেনে কন্না তারে কোই পারে, “তুই কি গোজ্যস্?”

যিশাইয় 19:17

মিসরীয়গুনো ইদু কনজনে যিহূদা দেজর্ নাঙান গিনিলে সিয়েন তারার্ তপ্পেদি অমকদ দর্‌‌গরেপারা অই। বেগত্তুন্ খেমতাবলা লগেপ্রভু তারা বিরুদ্ধে যিয়েনি গুরিবো বিলি ঠিগ্ গোজ্যে সিয়েনত্তে তারা দোরেবাক্।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

যিশাইয় 43:13

অয়, পৌইল্যেত্তুন্ ধুরি মুয়ই সিবে। কনজনে মঅ আঢত্তুন্ রোক্ষ্যে গুরি ন-পারে। মুই কাম্ গুরিলে কনজনে সিয়েন বাদ্ দি ন-পারে।”

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

যোনা 1:14

সেক্কে তারা লগেপ্রভুরে ডাগিনে কলাক্, “ও লগেপ্রভু, এ মানুচ্চোর মরণর্ কারনে আমাত্তুন্ যেন মরা ন-পড়ে। এক্কো নিদ্দুজি মান্‌জ্যর্ মরণর্ কারনে তুই আমারে দায়ী ন গুরিচ্, কিয়া ও লগেপ্রভু, তুই দঅ তর্ আওজ্ মজিম কাম গোজ্যস্।”

প্রেরিত্‌ 11:17

সালে প্রভু যীশু খ্রীষ্ট উগুরে বিশ্বেজ্ গরানার পরেদি গোজেনে আমারে যে দান দিয়্যে সেই একই দান যেক্কে তে তারারেয়ো দিলো সেক্কে মুই কন্না যে, গোজেনরে মানা গুরি পারং?”

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

প্রেরিত্‌ 5:39

মাত্তর্ যুনি গোজেনত্তুন্ ওই থায় সালে তুমি ইগুনোরে থামেই ন-পারিবা। অয়ত দেগিবা তুমি গোজেন বিরুদ্ধে যুদ্ধ গরর্।”

প্রেরিত্‌ 9:5

শৌলে পুযোর্ গুরিলো, “প্রভু, তুই কন্না?”

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

১ করিন্হীয় 2:16

পবিত্র বোইবোত্ লেগা আঘে, কন্না প্রভুর্ মনান্ বুঝি পাজ্জ্যে যে, তে তারে উবদেশ্ দি পারে? মাত্তর্ খ্রীষ্ট মনান্ আমা মনত্ রোইয়্যে।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

যিহোশূয় 2:2

ইয়েন ভিদিরে যিরীহো শঅরর্‌ রাজার কানত্‌ গেলদে, দেজর্‌ খোজ-হবর নিবাত্তে সাজোন্যে অক্তত্‌ কয়েক্কো ইস্রায়েলীয় ইদু এচ্চোন্‌।

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”