দানিয়েল 4:28 - Chakma Bible

^28-30 ইয়েনি রাজা নবূখদ্‌নিৎসর উগুরে ঘুদিলো। বার মাস পরেদি তে যেক্কে বাবিলর রাজঘর ছাদ উগুরে বেড়ার্ সেক্কে কোইয়্যেদে, “মর্ খেমতালোই আর মর্ সয়-সাগোজ্যে বাঈনী গুরিবাত্তে রাজধানী ইজেবে যিয়েন মুই বানেয়োং ইয়েন কি সেই মহান বাবিল নয়?”

দানিয়েল 4:28 ပူးပေါင်းရင်းမြစ်များ

গম্ উপদেজ্ 10:24

পাজি মানুচ্চুনে যিয়েনি দরান্ সিয়েনি তারা উগুরে ঘুদিবো, মাত্তর্ গোজেন ভক্তগুনোর্ আওজ্‌চানি পুরেই দিয়্যে অবঅ।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।