দানিয়েল 4:25 - Chakma Bible

²⁵ তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 4:25 ပူးပေါင်းရင်းမြစ်များ

গীতসংহিতা 103:19

লগেপ্রভু স্বর্গত্ তা সিংহাসনান থিদেবর্ গোজ্যে; বেক্কানি উগুরে তার রাজাগিরি।

গীতসংহিতা 106:20

তারার্ বাঈনীবলা গোজেনরে ফেলেইনে তারা ঘাস হেইয়্যে গোরুর মূত্তিবোরে মানি নেযেলাক্।

গীতসংহিতা 75:7

মাত্তর্ গোজেনে বিচের গরে; তে একজনরে তলে লামায় আর আর একজনরে উগুরে তুলে।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 2:37

ও মহারাজ, তুই রাজাগুনোর রাজা। স্বর্গর গোজেনে তরে রেজ্য, খেমতা, বল্ আর সর্মান দান গোজ্যে।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 4:16

তার আর মান্‌‌‌‌‌জ্য ধোক্ক্যেন খাচ্চ্যত্ ন-থোক্ আর সাত বজর্ সং তারে য়েমান খাচ্চ্যত্ দিয়্যে ওক্।

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:2

দাঙর্ গোজেনে মত্তে যেদক্কানি চিহ্নো-কাম আর আমক্ কাম গোজ্যে সিয়েনি মুই হুজি ওইনে তমারে জানাঙর্।