দানিয়েল 4:22 - Chakma Bible

²² তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

দানিয়েল 4:22 ပူးပေါင်းရင်းမြစ်များ

পত্থম 11:4

তারা কলাক্, “এজঅ, আমি আমাত্তে এক্কান্‌ শঅর্‌ বানেই আর এন্‌ এক্কান অজল ঘর বানেবং যিয়েনর মাদাবো যেইনে আগাজত্‌ লুমিবো। সিয়েনত্‌ আমার সুনাঙ্অ অবঅ আর আমি গোদা পিত্‌থিমীগানত্‌অ ছিদি ন-পড়িবোং।”

পত্থম 28:12

তে স্ববনত্‌ দেগিলোদে মাদি উগুরে এক্কান সাঙু অজল্ গুরি আঘে আর সিয়েন মাদাবো যেইনে স্বর্গত্‌ লুম্মেগোই। তে দেগিলোদে গোজেন দূত্তুনে সিয়েন উগুরেন্দি উজোল্-লামন্‌ গত্তন,

২ শমূয়েল 12:7

সেক্কে নাথনে দায়ূদোরে কলঅ, তুয়ই সেই মানুচ্চো। ইস্রায়েলর্‌ গোজেন লগেপ্রভু এ কধাগান কত্তে, মুয়ই ইস্রায়েল উগুরে তরে রাজপদথ্‌ অভিষেগ্ গোজ্যং আর শৌল আঢত্তুন্‌ তরে রোক্ষে গোজ্যং।

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

গীতসংহিতা 108:4

কিত্তে তর্ অমকদ কোচ্‌পানাগান আগাজত্তুন্ বেশ্ অজল্, তর্ বিশ্বেজ্‌ছান মেঘঅ উগুরেয়ো লুমেগোই।

গীতসংহিতা 36:5

ও লগেপ্রভু, তর্ অমকদ কোচ্‌পানা আগাজত্ লুমেগোই; তর্ বিশ্বেজ্‌ছান্ যেনে আগাজত্ লুমেগোই।

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

যিহিষ্কেল 17:3

প্রভু লগেপ্রভু কোইয়্যেদে, নানান্ রঙর্ লাম্বা লাম্বা পোর্‌লোই ভরা দাঙর্ ডুয়োবলা এক্কো দাঙর্ ঈগল পেখ্ লেবাননত্ এলঅ। সিবে সিদুগোর্ এক্কো এরস গাজর্ বেগত্তুন অজল্ ডেলা ভাঙিনে বণিক্‌‌কুনোর দেজত্ নেযেইনে বেপারিগুনো শঅরত্ লাগেই দিলো।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 4:11

গাজ্‌‌‌চো বাড়ি উদিনে দাঙর্ আর দরমর অলঅ আর তা মাঢাবো যেইনে আগাজত্ লুমিলো; পিত্‌‌‌থিমীর শেজ্ দুযিত্তুন্‌অ গাজ্‌‌‌চোরে দেগা যার্।

দানিয়েল 4:21

যিবের্ দোল্ পাদা আর বোউত্ ফল এলাক্, যিবে বেক্কুনোরে হানা যোগেদ, যিবে মাদ য়েমানুনোরে আশ্রয় আর যিবে ডেলাগুনোত্ আগাজ পেগ্‌কুনে থেবার জাগা পেদাক্-

দানিয়েল 4:36

যেক্কে মর্ মনান্ ফিরি এলঅ সেক্কে মর্ রেজ্যর সর্মানত্তে মর্ সয়-সাগোজ্যে আর বাঈনী গরানা মরে ফিরেই দিয়্যে অলঅ। মর্ মন্ত্রীগুনে আর আজল্ মানুচ্চুনে মরে তোগেইনে নিগিলেলাক্ আর মরে আরঅ সিংহাসনত্ বজা অলঅ আর মুই আগত্তুন্‌অ বেশ্ মহান ওলুং।

মথি লেখ্যে গম্ হবর্ 14:4

কিয়া যোহনে তারে কোইয়্যেদে, “হেরোদিয়ারে মোগ্ ইজেবে রাগানা তর্ উচিত নয়।”

ফগদাং পেইয়্যে 18:5

তার পাপ্‌পানি আগাজ সং অজল ওইয়্যে আর তার্ ভান্ন্যেই কামর কধানি গোজেনে মনে গোজ্জ্যে।