দানিয়েল 3:7 - Chakma Bible

⁷ সেনত্তে যেক্কে তারা সেই বেক্ বাজানার রগুন্ শুনিলাক্ সেক্কে বেক্ জাদর্, দেজর্ আর ভাষার মানুচ্চুনে মাদিত্ মাঢা নিগিরি পড়িনে নবূখদ্‌‌‌‌নিৎসরর্ থিদেবর্ গোজ্যে সোনার মূত্তিবোরে জু জু জানেলাক্।

দানিয়েল 3:7 ပူးပေါင်းရင်းမြစ်များ

যিরমিয় 51:7

বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্‌‌‌থিমীগানরে মাত্তল্ গোজ্যে। জাদ্‌‌‌তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।

দানিয়েল 2:46

সেক্কে রাজা নবূখদ্‌নিৎসরে দানিয়েল মুজুঙোত্ মাঢা নিগিরি পড়িনে তারে জু জু জানেল আর তা মুজুঙোত্ শোজ্য উৎসর্ব গুরিবাত্তে আর আগর্‌বাট্টি জ্বালেবাত্তে উগুম দিলো।

দানিয়েল 3:10

তুই এক্কান উগুম দুয়োচ্ যে, মানুচ্চুনে যেক্কে শিংগা, বাশী, হার্‌‌‌‌‌মোনি, চিগোন আর দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবাক্ সেক্কে তারাত্তুন্ মাঢা নিগিরি পড়িনে সোনার মূত্তিবোরে জু জু জানা পড়িবো;

দানিয়েল 3:4

সেক্কে ফগদাংগুরিয়্যেবো জোরে এ কধাগান ফগদাং গুরিলো, “ও নানান্ জাদর্, দেজর আর ভাষার্ মানুচ্চুন, তমারে এ উগুমান দিয়্যে অর্ যে,

দানিয়েল 3:5

তুমি যেক্কেনে শিঙা, বাশী, বাজা, চিগোন আহ দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবে সেক্কে মাদিত্ মাঢা নিগিরি পড়িনে রাজা নবূখদ্‌নিৎসরর্ থিদেবর্ গোজ্যে সোনার মূত্তিবোরে জু জু জানেবা।‌‌

দানিয়েল 3:6

যে মানুচ্চুনে মাঢা নিগিরি পড়িনে জু জু ন-জানেবাক্ তারে সেক্কে জোল্‌জোল্যে আগুনো চুলোত্ ফেলে দিয়্যে অবঅ।‌‌”

দানিয়েল 3:8

এ সময়োত্ কয়েক্কো সল্লাদিয়্যে উজেই যেইনে যিহূদীগুনোরে দুষী বানেলাক্।

প্রেরিত্‌ 14:16

আগ দিনোত্ বেক্‌ জাদ্‌তুনোরে তে তারার্ আওজ্ মজিম চলিবাত্তে দিয়্যে,

১ যোহন 5:19

আমি কোই পারিই আমি গোজেনর্ আর গোদা জগদ্‌তান শদানর্ খেমতার্ তলেদি পড়ি আঘে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 13:3

য়েমান্নোর্ এক্কো মাঢাত্ এমন্‌ এক্কান আঘাত এলঅ যিয়েনত্যে তে মরেদে ধোক্ক্যেন ওইয়্যে, মাত্তর্ সেই আঘাত্তান্ গম ওই যেয়্যে। সেক্কে জগদর্ বেক্ মানুচ্চুনে আমক্ ওইনে সেই য়েমান্নোর্ পিজে পিজে যাহ্ ধুরিলাক্।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 17:8

যে য়েমান্নোরে তুই দেখ্যচ্ তে আগে এলঅ মাত্তর্ ইক্কুনি নেই। যেরেদি তে সেই সুরুঙো গাঢ্‌তোত্তুন্ উদি এইনে উমর্ সং সাজা ভুগিবো। সেক্কে যিগুনে এই পিত্‌থিমীর, অত্তাৎ জগদ্‌তান সৃট্টির সময়োত্তুন্ ধুরি যিগুনোর্ নাঙানি জিংকানি-বোইয়োত্ লেগা নেই তারা সেই য়েমান্নোরে দেগিনে আমক্ ওই যেবাক্; কিয়া য়েমান্নো আগে এলঅ, ইক্কিনে নেই, অদচ আরঅ দেগা দিবো।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।