দানিয়েল 3:4 - Chakma Bible

⁴ সেক্কে ফগদাংগুরিয়্যেবো জোরে এ কধাগান ফগদাং গুরিলো, “ও নানান্ জাদর্, দেজর আর ভাষার্ মানুচ্চুন, তমারে এ উগুমান দিয়্যে অর্ যে,

দানিয়েল 3:4 ပူးပေါင်းရင်းမြစ်များ

ইষ্টের 8:9

সেই অক্তত্‌ তিন মাজত্‌, অত্তাৎ সীবন মাজর্ তেইশ দিনোত্‌ রাজার লিগিয়্যেগুনোরে ডাগা অলঅ। মর্দখয়র উগুম মজিম্ হিন্দুস্থানত্তুন্‌ কূশ সং একশঅ সাতেশ্‌সো চাগালার্ যিহূদীগুনোর, রেজ্যর্ আর চাগালার্ শাজন্‌গুরিয়্যেগুনোর আর দাঙর্‌ পোজিশনর্ কামগুরিয়্যেগুনো ইদু চিদি লেগা অলঅ। এ চিদিগান পত্তি চাগালার্ অক্ষর আর পত্তি জাদর্‌ ভাষা মজিম্ আহ্‌ যিহূদীগুনোর অক্ষর আর ভাষা অনুসারে লেগা অলঅ।

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

দানিয়েল 3:10

তুই এক্কান উগুম দুয়োচ্ যে, মানুচ্চুনে যেক্কে শিংগা, বাশী, হার্‌‌‌‌‌মোনি, চিগোন আর দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবাক্ সেক্কে তারাত্তুন্ মাঢা নিগিরি পড়িনে সোনার মূত্তিবোরে জু জু জানা পড়িবো;

দানিয়েল 3:3

সেক্কে তারা বেক্কুনে রাজা নবূখদ্‌নিৎসরর থিদেবর্ গোজ্যে মূত্তিবোর উৎসর্ব অনুষ্ঠানত্ এইনে এগত্তর্ অলাক্ আর সে মূত্তিবোর মুজুঙোত্ থিয়্যেলাক্।

দানিয়েল 3:7

সেনত্তে যেক্কে তারা সেই বেক্ বাজানার রগুন্ শুনিলাক্ সেক্কে বেক্ জাদর্, দেজর্ আর ভাষার মানুচ্চুনে মাদিত্ মাঢা নিগিরি পড়িনে নবূখদ্‌‌‌‌নিৎসরর্ থিদেবর্ গোজ্যে সোনার মূত্তিবোরে জু জু জানেলাক্।

দানিয়েল 4:1

পরেদি রাজা নবূখদ্‌‌‌‌সরে জগদর্ বেক জাদ ইধু, দেজর্ আর ভাষার মানুচ্চুনো ইধু এ হবরান্ পাদেল: তমার ভালেদি ওক্।

দানিয়েল 4:14

তে রঅ ছাড়িনে কলদে, গাজ্‌‌‌‌‌চো কাবি ফেলা আর তার বাগলানি ছাজি ফেলেই দে; তার পাদানি ঝারি ফেলা আর গুলোগুলিগুন্ ঝোড়েই দে, তার তলানত্তুন্ য়েমানুনে আর ডেলাগুনোত্তুন্ পেগ্‌‌‌‌‌কুনে ধেই যাদোক্,

দানিয়েল 6:25

ইয়েনর পরেদি রাজা দারিয়াবসে বেক জাদর্, দেজর আর ভাষার মানুচ্চুনো ইধু এ কধাগান লিগিলো: তমার জদবদে ভালেদি ওক্ !

হোশেয় 5:11

ইফ্রয়িমে নিজোর্ আওজে বাজে জিনিজো পিজেদি যেইয়্যে বিলিনে তে অত্যেচারিত ওইয়্যে আর বিচেরত্ তারে টেঙ পাদালোই মাড়া ওইয়্যে।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।