দানিয়েল 3:29 - Chakma Bible

²⁹ সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 3:29 ပူးပေါင်းရင်းမြစ်များ

২ রাজাবলী 10:27

সে পরেন্দি তারা বাল দেবেদার পূজোর্‌ পাত্তর্‌বো ভাঙি দিলাক্‌ আর মন্দিরান্‌ ভাঙি ফেলেলাক্‌। মানুচ্চুনে সেক্কেত্তুন্‌ ধুরি এজঅ সং সিয়েনরে আঘাছাল্‌ ইজেবে বেবহার গুরি এত্তন্‌।

ইষ্রা 6:11

মুই আরঅ উগুম দুয়োঙর্, যুুদি কেঅ এই উগুমান অমান্য গরে সালেন্ তা ঘরত্তুন্ এক্কান তক্তা নিগিলেই আনিনে সিয়েন্দোই তারে এফুর-উফুর্ গরা অবঅ। তার্ এই অন্যেয়ানত্যে তা ঘরান্ এক্কান আঢং-কজরার্ কুড় বানা অবঅ।

গীতসংহিতা 3:8

উদ্ধোর্ গরানা লগেপ্রভুর্ কাম। তঅ নিজো মানুচ্চুনো উগুরে তঅ আশিদ্‌বাদ্‌তান লামি এজোক্।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

দানিয়েল 1:19

রাজা তারা লগে কধা কোইনে বুঝিলোদে, আর কনজন দানিয়েল, হনানিয়, মীশায়েল আর অসরিয়র্ সং সং নয়; সেনত্তে এ চেরজনরে রাজা কামত্ নেযা অলঅ।

দানিয়েল 1:7

সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 2:17

সে পরেদি দানিয়েলে ঘরত্ ফিরি যেইনে তা সমাজ্যে হনানিয়, মীশায়েল আর অসরিয়রে বেপারান কলঅ।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 2:49

ইয়েনিবাদেয়ো দানিয়েলর্ কোজোলীয়ে শদ্রক, মৈশক আর অবেদ্-নগোরে রাজা বাবিল রেজ্যর্ রাজার চাগর্ ইজেবে নেযেল। দানিয়েলে নিজে রাজদরবারত্ রলঅ।

দানিয়েল 2:5

জোবত্ রাজা তারারে কলঅ, “মুই ঠিগ্ গোজ্যংগে, মঅ স্ববনান্ কি আর সিয়েনর্ ভেদ্‌তান্ কি সিয়েন যুনি তুমি কোই ন-পার সালে তমারে কট্টা কট্টা গুরিনে কাবি ফেলা অবঅ আর তমা ঘরানি কাজর কুড়্ গরা অবঅ।

দানিয়েল 3:12

ও মহারাজ, এমন কয়েক্কো যিহূদী আঘন্ যিগুনোরে তুই বাবিল রেজ্যর্ রাজ-কামত্ নেযেয়োচ্; তারা অলাক্ শদ্রক, মৈশক আর অবেদ্‌-নগো। তারা তঅ উগুমে কান ন-পাদন্। তারা তঅ দেবেদাগুনোরে সেবা ন-গরন্ আর তুই যে সোনার মূত্তিবো থিদেবর্ গোজ্যস্ তারেয়ো জু জু ন-জানান্।”

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

দানিয়েল 6:28

এধোক্ক্যেনগুরি দারিয়াবস আর পারসীক রাজা কোরসর রাজাগিরির সময়োত্ দানিয়েলে গমেডালে এলঅ।

দ্বি’লম্বর বিররণ 32:31

শত্রুগুনোর জিরেবার-মুড়োবো আমার জিরেবার-মুড়োবো ধোক্ক্যেন নয়, ইয়েন আমার শত্রুগুনোরঅ রায়।