দানিয়েল 3:2 - Chakma Bible

² সে পরেদি তে সেই মূত্তিবোর্ থিদেবর অনুষ্ঠানত্ এবাত্তে রেজ্যর্ শাজন্‌গুরিয়্যেগুনোরে আর আজল্ পরিচালক্কুনোরে, বিভাগর শাজন্‌গুরিয়্যেগুনোরে, মন্ত্রীগুনোরে, কেসিয়ারুনোরে, দাঙর্ বিচেরক্কুনোরে, অন্য বিচেরক্কুনোরে আর অন্য বেক্ দাঙর্ পদত্ কামগুরিয়্যেগুনোরে ডাগিলো।

দানিয়েল 3:2 ပူးပေါင်းရင်းမြစ်များ

১ রাজাবলী 12:32

যিহূদা চাগালার্‌ ভিদিরে যে পরপ্পুন্‌ অদাক্‌ সে পরব ধোক্কেন আস্‌তো মাজর্‌ পন্দর দিনোর্‌ দিন্নোত্‌ তে বৈথেলত্‌অ ইক্কো পরবর্‌ বেবস্থা গুরিলো আর নিজোর্‌ বানেয়্যে গোরু ছবোর্‌ নাঙে ডালিপূজোবো উগুরে এ্যমান্‌ উৎসর্ব গুরিলো। তে বৈথেলত্‌ পূজোর্‌ অজল্‌ জাগানিত্‌ তার্‌ বানেয়্যে মন্দিরোত্‌ ধর্মগুরুয়ো নেযেল।

গম্ উপদেজ্ 29:12

যে শাজন্‌গুরিয়্যেবো মিজে কধা শুনে তার বেক চাগরি গুরিয়্যেগুন পাজি।

দানিয়েল 3:27

সেক্কে রেজ্যগানির শাজন্‌গুরিয়্যেগুনে আর আজল্ পরিচালক্কুন, বিভাগর শাজন্‌গুরিয়্যেগুন আর অন্য বেক্ দাঙর্ পদথ্ কামগুরিয়্যেগুনে তারা ইধু এইনে ভির্ গুরিলাক্। তারা দেগিলাক্ আগুন তারার কিয়্যেগানিরে কনঅ খেতি ন-গরে, তারা মাঢাগুনোত্তুন্ এক্কান চুল্‌অ ন-পড়ে, কাবড়-চুগোর্‌অ বর্‌‌বাত ন-অয় আর তারা কিয়্যেত্ আগুনোর্ বাচ্অ নেই।

দানিয়েল 3:3

সেক্কে তারা বেক্কুনে রাজা নবূখদ্‌নিৎসরর থিদেবর্ গোজ্যে মূত্তিবোর উৎসর্ব অনুষ্ঠানত্ এইনে এগত্তর্ অলাক্ আর সে মূত্তিবোর মুজুঙোত্ থিয়্যেলাক্।

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

ফগদাং পেইয়্যে 17:2

পিত্‌থিমীর রাজাগুনে তা সমারে বেভিচের্ গোজ্জ্যন, আর যিগুনে এ পিত্‌থিমীর সিগুনে তার্ বেভিচারর্ আংগুর-রসে মাত্তল্ ওইয়োন।”

বিচের গুরিয়্যেগুন 16:23

ইয়েনর্ পরেন্দি পলেষ্টীয়গুনোর শাজন্‌গুরিয়্যেগুনে তারার্‌ দেবেদা দাগোনর্ ইদু এক্কো দাঙর্‌ উৎসর্বর পরব্‌ গুরিনে ফুত্তি গুরিবাত্তে এক্কান জাগাত্‌ এগত্তর্‌ অলাক্‌। তারা কলাক্কে, “আমা দেবেদাবো আমার শত্রু শিম্‌শোনরে আমা আঢত্‌ তুলি দিলো।”