দানিয়েল 3:17 - Chakma Bible

¹⁷ আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:17 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 37:39

গোজেন ভক্তগুনোর্ উদ্ধোর অনাগান লগেপ্রভু ইত্তুন্ এজে; দজার্ সময়োত্ তেয়ই তারার্ আশ্রয়।

গীতসংহিতা 37:40

লগেপ্রভুই তারারে সাহায্য আর রোক্ষ্যে গরে; পাজিগুনোর আঢত্তুন তেয়ই তারারে উদ্ধোর গরে, আর তেয়ই তারারে বাঁজাই, কিয়া তারা তাইদু আশ্রয় নেযেয়োন।

গীতসংহিতা 73:20

ঘুম ভাঙিলে মানজ্যর্ স্ববনান্ যেধোক্ক্যেন তুচ্চো ওই যায়, সেধোক্ক্যেন ও প্রভু, তুই জাগিলে তারায়ো তইদু তুচ্চো ওই যেবাক্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিরমিয় 1:8

তুই তারারে ন-দোরেচ্, কিত্তে মুই লগেপ্রভু তরে রোক্ষ্যে গুরিবাত্তে তঅ লগে লগে আগং।”

যিরমিয় 15:20

এ মানুচ্চুনো ইধু মুই তরে পিদোলর্ এক্কো দরমর দেবাল ধোক্ক্যেন গুরিম; তারা তঅ বিরুদ্ধে যুদ্ধো গুরিবাক মাত্তর্ তরে ওদেই দি ন-পারিবাক্, কিত্তে মুই লগেপ্রভু কঙর্, তরে উদ্ধোর গুরিবাত্তে আর বাজেবাত্তে মুই তঅ লগে লগে থেম্।

যিরমিয় 15:21

মুই তরে পাজিগুনোর আঢত্তুন রোক্ষ্যে গুরিম আর চিৎকলিজে নেইয়্যেগুনোর মুদোত্তুন উদ্ধোর্ গুরিম।”

দানিয়েল 3:26

সেক্কে নবূখদ্‌সরে দোগ্‌দোক্যে আগুনো চুলো মুয়োন ইধু উজেই যেইনে রঅ ছাড়িনে কলঅ, “ ও দাঙর্ গোজেনর চাগরুন শদ্রক, মৈশক আর অবেদ্‌-নগো, তুমি নিগিলিনে ইধু এজঅ।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

দানিয়েল 6:23

সেক্কে রাজা অমকদ হুজি অলঅ আর সেই গাদ্‌‌‌‌‌তোত্তুন্ দানিয়েলরে তুলি আনিবার উগুম দিলো। দানিয়েলরে তুলোনার পরেদি তা কিয়্যেত্ কনঅ আঘাত্ দেগা ন-গেলঅ, কিত্যে তে তার গোজেন উগুরে বিশ্বেজ্ গোজ্যে।

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

লূকে লেখ্যে গম্ হবর্ 1:37

গোজেন ইধু অসম্ভব বিলি কনঅ কিজু নেই।”

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।