দানিয়েল 2:41 - Chakma Bible

⁴¹ তুই স্ববনত্ যে টেঙ পাদা আর টেঙ আঙুলোর কিজু মাদি আর কিজু লুয়ো দিইনে বানেয়্যে দেখ্যচ্ সিয়েন অলঅ এক্কান ভাগ গোজ্যে রেজ্য। মাত্তর্ তুই যেবাবোত্যেগুরি মাদি সমারে লুয়ো মিজেয়্যে দেখ্যচ্ সেবাবোত্যে সেই রেজ্যগান লুয়ো ধোক্ক্যেন কিজু দরমর থেবঅ।

দানিয়েল 2:41 ပူးပေါင်းရင်းမြစ်များ

দানিয়েল 2:40

যেরদি লুয়ো ধোক্ক্যেন দরমর চের্ লম্বর এক্কান রেজ্য উদিবো। লুয়ো যেবাবোত্যেগুরি বেক্কানি ভাঙি ফেলেইনে কট্টা কট্টা গরে সেবাবোত্যেগুরি সেই রেজ্যগান অন্য বেক্ রেজ্যগানিরে ভাঙিনে কট্টা কট্টা গুরিবো।

দানিয়েল 2:42

টেঙ পাদা আর আঙুলুন্ যেবাবোত্যেগুরি ইয়েনি মিজেয়্যে এলঅ সেবাবোত্যেগুরি সেই রেজ্যর্ কিজু ভাগ অবঅ খেমতাবলা আর কিজু খেমতা নেইয়্যে।

দানিয়েল 7:24

সেই দোশ্‌‌‌‌‌‌‌‌‌‌‌চো শিং অলঅ দশজন রাজা যিগুনে এ রেজ্যত্ রাজাগিরি গুরিবাক্। তারার পরেদি আর এক্কো রাজা উদিবো, তে আগ রাজাগুনোত্তুন্ অন্যবাবোত্যে অবঅ; তে তিনজন রাজারে ওদেই দিবো।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।

ফগদাং পেইয়্যে 13:1

ইয়েন পরেদি মুই এক্কো য়েমানরে দোজ্জ্যে সাগর ভিদিরেত্তুন্ উদি এত্তে দেগিলুং। সেই য়েমান্নোর্ দোশ্‌চো শিং আর সাত্‌টো মাঢা এলাক্। সেই শিঙুনো উগুরে দোশ্‌চো মুকুট এলঅ আর মাঢাগুনো উগুরে গোজেনরে অগমান গুরিবাত্যে নানান্ বাবোত্যে নাঙ্ লেগা এলঅ।

ফগদাং পেইয়্যে 17:12

“যে দোচ্চো শিং তুই দেখ্যচ্ সিগুন অলাক্ দশজন রাজা। তারা এজঅ রাজাগিরি গরানা আরাম্ভ ন-গরন, মাত্তর্ তারা সেই য়েমান্নো সমারে কানক্কনত্যে রাজা ইজেবে রাজাগিরি গুরিবার খেমতা পেবাক্।