দানিয়েল 2:35 - Chakma Bible

³⁵ সেক্কে লুয়ো, মাদি, পিদোল আর রূবো আহ্ সোনা কট্টা কট্টা ওইনে ভাঙি পড়িলো আর হরান্যেত্ খামারত্ পড়ি থেইয়্যে তূষো ধোক্ক্যেন ওই গেলঅ। বোইয়্যেরানে সিয়েন এমন গুরি উড়েই নেযেল, সিয়েনর আর কনঅ চিহ্নো ন-থেলঅ। মাত্তর্ যে পাত্তর্‌বো মূত্তিবোরে আঘাত্ গোজ্যে সিবে এক্কো দাঙর্ মুড়ো ওই যেইনে বেক পিত্‌‌‌থিমীগান গজক্ গুরি ফেলেল।

দানিয়েল 2:35 ပူးပေါင်းရင်းမြစ်များ

ইয়োব 6:17

আরঅ গরম কাল্যে সে গোঙারান্‌ শুগেই যায় আর তা পথ্‌তানত্তুন্‌ লুগি-যায়।

গীতসংহিতা 103:16

ফুলো উগুরেন্দি বোইয়্যের্ বেঈ গেলে ফুল্লো আর্ ন-থায়; যে জাগানত্ সেই ফুল্লো ফুট্যে সেই জাগায়ানেয়ো আর তারে ইদোত্ ন-রাগায়।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 37:10

আর কয়েকদিন পরেদি পাজিগুনে শেজ্ ওই যেবাক্; তোগেলেয়ো তারার্ জাগায়ানিত্ পাহ্ ন-যেবঅ।

গীতসংহিতা 37:36

সে পরেন্দি তে শেজ্ ওই গেল, আর্ ন-রলঅ; মুই তারে তোগেলুং, তারে পাহ্ ন-গেলঅ।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গীতসংহিতা 66:4

দুনিয়ের বেক্ মানুচ্চুনে তরে তর্ যগাজ্যে সর্মান দিবাক্; তর্ নাঙে তারা নাঙ্ গিনেদে-গীদ্ গেবাক্; তারা তর্ নাঙ্ গিনেদে গীদ্ গেবাক্।”

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 8:9

“ও জাদ্‌তুন্, তুমি এগত্তর্ অ, মাত্তর্ তুমি ভস্ত অবা; ও দূরোর্ দেজ্‌‌ছানি, শুনো, তুমি যুদ্ধোত্তে যুক্কোল্ অ, মাত্তর্ তুমি ভস্ত অবা; অয়, যুদ্ধোত্তে যুক্কোল অ, মাত্তর্ তুমি ভস্ত ন-অবা।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

হোশেয় 13:3

সেনত্তে তারা অবাক্ বেন্যেমাদান কুয়ো ধোক্ক্যেন, অবাক্ অদাদৎ উরি যেইয়্যে বেন্যেমাদান শিরো পানি ধোক্ক্যেন, অবাক্ খামারত্তুন্ বোইয়্যেরে উড়ি যেইয়্যে তুজো ধোক্ক্যেন্, অবাক্ জানালাদি নিগিলি যেইয়্যে ধূমো ধোক্ক্যেন্।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 12:8

সেই দানপ্পো জিদি ন-পারিলো আর স্বর্গত্ তারারে আর্ থেবাত্যেয়ো দিয়্যে ন-অলঅ।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।