দানিয়েল 2:30 - Chakma Bible

³⁰ অন্য মানুচ্চুনোত্তুন্ মর্ বেশ্ জ্ঞান আঘে বিলি যে মইদু এ হবর্ ন-পেইয়্যে বিষয়ান ফগদাং ওইয়্যে সিয়েন নয়, মাত্তর্ ও মহারাজ, মরে ইয়েন কুয়ো ওইয়্যে যেনে তুই ইয়েনর অত্তগান হবর্ পাজ্ আর তঅ মনর্ চিন্তেগান বুঝি পারজ্।

দানিয়েল 2:30 ပူးပေါင်းရင်းမြစ်များ

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

যিশাইয় 45:4

মর্ চাগর যাকোবত্তে, মর্ বেঈ থোইয়্যে ইস্রায়েলত্তে মুই তঅ নাঙান্ ধুরি ডাক্ক্যং। মরে তুই ন-চিনিলেয়ো মুই তরে সর্মানর্ উপাধি দুয়োং।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 2:49

ইয়েনিবাদেয়ো দানিয়েলর্ কোজোলীয়ে শদ্রক, মৈশক আর অবেদ্-নগোরে রাজা বাবিল রেজ্যর্ রাজার চাগর্ ইজেবে নেযেল। দানিয়েলে নিজে রাজদরবারত্ রলঅ।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

মথি লেখ্যে গম্ হবর্ 24:22

মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।

মার্ক 13:20

মাত্তর্ প্রভু যুনি সেই দুঘোর্ দিনুন্ কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে সেই দিনুন্ গোজেনে কোমেই দিয়্যে।

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।