দানিয়েল 2:19 - Chakma Bible

¹⁹ রেদোত্ এক্কান দর্শনর্ মাধ্যমে সেই হবর্ ন-পেইয়্যে বেপারান্ দানিয়েল ইধু ফগদাং অলঅ। সেক্কে দানিয়েলে স্বর্গর গোজেনরে ভালেদি জানেল।

দানিয়েল 2:19 ပူးပေါင်းရင်းမြစ်များ

ইয়োব 4:13

রেদোত্‌ মান্‌জ্যে যেক্কেনে অঘোর্‌ গুরিনে ঘুমোন্‌ সেক্কেনে স্ববন্‌ দেগিনে মুই সিলিবিলি অলুং;

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 2:22

তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

দানিয়েল 4:26

শিঙোর্ সুদ্ধো গাজ্‌চো গোড়াগান থুয়োই দেনার উগুমানর ভেদ্‌তান্ অলঅ, তুই যেক্কে মানি নিবে, স্বর্গর গোজেনে কাবিদ্যঙ্‌গিরি গরে সেক্কে তঅ রেজ্যগান তরে ফিরেই দিয়্যে অবঅ।

দানিয়েল 4:9

মুই কলুং, ও যাদুকরর্ আজল্লো বেল্টশৎসর, মুই হবর্ পাং তঅ ভিদিরে সুদ্ধো-সাংগ এমন কিজু আঘে যিয়েনি এ পিত্‌‌‌থিমীর নয় আর কনঅ গুমুরো বিষয় হবর্ পানা তইদু অমকদ আঘাত্যে নয়। মর্ এ স্ববনানর্ ভেদ্‌তান্ তুই কোই দে।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

যিহোশূয় 22:33

সিয়েন শুনিনে তারা হুজি অলাক্‌ আর গোজেনরে ভালেদি জানেলাক্। রূবেণীয় আর গাদীয়গুনে যে দেজছানত্‌ বজত্তি গুরিদাক্‌ সিয়েন ভস্ত গুরি দিবাত্তে তারার্‌ বিরুদ্ধে যুদ্ধো গুরিবার কধাগান তারা আর্‌ ন-কলাক্‌।