দানিয়েল 12:4 - Chakma Bible

⁴ মাত্তর্ তুই, দানিয়েল, শেজ্ সময় ন-এজানা সং এই আগাম্ কধার্ বোইবো নাঢিনে তা কধানি সীলমহ্‌র গুরি থঅ। সে সময় ভিদিরে ভালোক্কুনে যিদু-সিদু যেবাক্ আর জ্ঞান বাড়িবো।”

দানিয়েল 12:4 ပူးပေါင်းရင်းမြစ်များ

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 29:11

এই পুরো দর্শনান্ তমা ইদু বানা সীলমহ্‌র দিয়্যে বোইয়ো ধোক্ক্যেন্ ওইয়্যে। যে পড়ি জানে তারে যুনি সে বোইবো দিইনে কুয়ো অয়, “দোয়্যে গুরি এ বোইবো পড়্,” সালে জোবত্ তে কবঅ, “মুই ন-পারিম্, কিত্তে ইবে সীলমহ্‌‌র গরা ওইয়্যে‌‌”

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 32:3

সেক্কে যিগুনোর চোগ্‌কুনে দেগিবাক্ তারা চোগ্‌কুন নাঢা ন-যেবাক্, আর যিগুনোর কানানিয়ে শুনে তারা শুনিবাক্।

যিশাইয় 8:16

তুই এ সাক্ষিগান রোক্ষ্যে গর্ আর মঅ শিষ্যগুনো ভিদিরে সিবে সীলমর্ গুরি রাগা।

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

দানিয়েল 10:1

পারস্যের রাজা কোরসর রাজাগিরির তিন বজরত্ যিবেরে বেল্টশৎসর নাঙ্ দিয়্যে ওইয়্যে সেই দানিয়েল ইধু এক্কান বিষয় ফগদাং অলঅ। বিষয়ান সত্য আর সিয়েন এক দাঙর্ দুঘো পৌইদ্যেনে। এক্কান দর্শনর মাধ্যমে সেই বিষয়ান তারে বুঝা অলঅ।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 11:33

সে মানুচ্চুনো ভিদিরে যিগুনোর বুঝিবার খেমতা আঘে তারা ভালোক্ জনরে শিক্ষ্যে দিবাক্, তো কিজু সময় ধুরি তারা ভিদিরে ভালোক্কুনে যুদ্ধোত্ মুরি যেবাক্, বা তারারে পুড়িনে মারা অবঅ, বা তারারে বন্দী গরা বা লুদো অবঅ।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

দানিয়েল 12:13

“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্‌কালত্ তুই তঅ বক্‌‌‌‌‌‌‌‌শিজচান পেবাত্তে বাঁজি উদিবে।”

দানিয়েল 12:5

সেক্কে মুই দানিয়েল রিনি চেইনে অন্য দ্বিজনরে মঅ মুজুঙোত্ থিয়্যেই থাগদে দেগিলুং। তারাত্তুন্ একজন গাঙ্ এপারত্ আর অন্যজন গাঙ্ উইপারত্ এলঅ।

দানিয়েল 12:9

জোবত্ তে কলঅ, দানিয়েল, তুই এ পৌইদ্যেনে আর চিদে ন-গুরিচ্, কিত্যে শেষ সময়ান ন-এযানা সং এই বেক্ কধানি নাঢিনে সীলমহ্‌‌‌‌‌‌‌র গুরি রাগা ওইয়্যে।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

দানিয়েল 8:19

তে কলদে, রাগর্ সময় শেজদি যিয়েনি ঘুদিবো সিয়েনি মুই তরে কঙর্, কারন দর্শনান্ অলঅ শেজকালর্ ঠিগ্ গোজ্যে সময়ো পৌইদ্যেনে।

দানিয়েল 8:26

“তরে সাজোন্যে আর বেন্যেমাদান্ উৎসর্বর পৌইদ্যেনে যে দর্শনান্ দেগা ওইয়্যে সিয়েন সত্য, মাত্তর্ এ দর্শনান্ সীলমহ্‌‌‌র গুরি রাগা, কিত্যে সিয়েন ভবিচ্চদে বোউত্ পরেদি অবঅ।”

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

ফগদাং পেইয়্যে 10:4

যেক্কে সাত্‌টো দেবা পেরাগ পড়েদে আবাজ্ অলঅ সেক্কে মুই লিগিবাত্যে যুক্কোল অলুং। মাত্তর্ স্বর্গত্তুন্ মরে এ কধাগান কুয়ো অলঅ, “সাত্‌টো দেবা পেরাগ্ যে কধাগান কলঅ সিয়েন গুমুরোত্ থঅ, ন-লিগিচ্।”

ফগদাং পেইয়্যে 22:10

সে পরেদি তে মরে কলঅ, “এ বোইবোর্ বেক্ কধানি, অত্তাৎ গোজেনর্ কধানি তুই গুমুরোত্ ন-থোচ্, কিয়া সময়ান লুম্মেগি। যে অন্যেয় গুরিয়্যেবো, তে ইয়েনর্ পরেদিয়ো অন্যেয় গোরোক্;

ফগদাং পেইয়্যে 5:1

যিবে সেই সিংহাসনান উগুরে বৈ এলঅ তার্ ডেন্ আঢত্ মুই এক্কো বোই দেগিলুং। বোইবো ভিদিরে আর বারেদি লেগা এলঅ আর সাত্‌টো মহ্‌রলোই সীলমাজ্জ্যে এলঅ।