দানিয়েল 12:2 - Chakma Bible

² পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

দানিয়েল 12:2 ပူးပေါင်းရင်းမြစ်များ

গম্ উপদেজ্ 12:8

মান্‌জ্যে যেবাবোত্যেগুরি বুদ্ধি খাদান্ সেই মজিম্ নাঙ্ গিনেনাগান্ পান, মাত্তর্ কুজুরো মন মানুচ্চুনোরে ঈচ্ গরা অয়।

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিহিষ্কেল 37:12

সেনত্তে তুই তারা ইধু এই আগাম্ কধানি কঅ, প্রভু লগেপ্রভু কোইয়্যেদে, ‘ও মঅ মানুচ্চুন, মুই তমারে গোর্ খুলিনে সিয়োত্তুন্ তমারে তুলি আনিম। ইস্রায়েল দেজত্ মুই তমারে ফিরেই আনিম।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

প্রেরিত্‌ 24:15

তারা যেবাবোত্যে আজা গরন্ সেবাবোত্যে আমার্‌অ গোজেন উগুরে এ আজাগান্ আগেদে যে, গম্ বা বজং বেক্কুনোরে আরঅ জেদা গরা অবঅ।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

রোমীয় 9:21

একই মাদিত্তুন কি কুমোরর্ নানান্ বাবোত্যে কদরা বানেই ন-পারে-কোনবো সর্মানর্ কামত্যে, কোনবো নিযো কামত্যে?

১ থিষলনীকীয় 4:14

আমি যেক্কে বিশ্বেজ্ গুরিই যীশু মোজ্জ্যে আরঅ জেদা ওই উত্ত্যে সেক্কে আমি ইয়েন-অ বিশ্বেজ্ গুরিই, যিগুনে যীশু লগে এগত্তর্ ওইনে মুরি যেইয়োন গোজেনে তারারেয়ো যীশু লগে নেযেব।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।