দানিয়েল 11:6 - Chakma Bible

⁶ কয়েক বজর্ পরেদি তে উত্তোরেদি রাজাগুনোর লগে দাংগুত্ব গুরিবো। দাংগুত্বে দোগিণেদি রাজার ঝিবোরে উত্তোরেদি রাজার লগে বৌ দিয়্যে অবঅ, মাত্তর্ সেই ঝিবো সে দাংগুত্বগান রোক্ষ্যে গুরি ন-পারিবো আর সেই রাজা আর তার খেমতাগান্‌অ থিদেবর্ ন-অবঅ। সেই মিলেবোরে, তা রোক্ষীগুনোরে, তা বাবরে আর তার সাহায্যগুরিয়্যেগুনোরে মারে ফেলা অবঅ।

দানিয়েল 11:6 ပူးပေါင်းရင်းမြစ်များ

ইয়োব 38:15

শদানুনোর পহ্‌রানি মারে ফেলেই দিয়্যে অয়, আর তারার্ তুল্যে আঢ্‌তানি ভাঙি দিয়্যে অয়।

গীতসংহিতা 10:5

নিত্য তে ফলাইদে পধেদি উজেই যায়; তা চোখকুন্ তর্ শাজন্-বেবস্থাগানরে লাঘ্ ন-পায়, কিয়া সিয়েন্ বোউত্ উগুরে; তার্ বেক্ শত্রুগুনোরে তে ঈচ্ গরে।

যিহিষ্কেল 30:21

“ও মান্‌‌জ্যর পুয়োবো, মুই মিসরর্ রাজা ফরৌণর আঢ্‌তান ভাঙি দুয়োং। গম্ অবাত্তে সেই আত্ কাবড়লোই বানা ন-অয় যেনে সিয়েন লাম্বা ছুরি ধুরিবাত্তে যগাজ্যেগুরি বল্ পায়। ‌‌

দানিয়েল 11:13

পরেদি উত্তর রাজা পত্তম্ সৈন্যদলত্তুন্ আরঅ দাঙর্ একদল সৈন্য তুবেব; কয়েক বজর্ পরেদি তে এক্কো বিরেট্ সৈন্যদল আর বোউত্ পযাপিরা নিইনে উজেই যেবঅ।

দানিয়েল 11:15

সে পরেদি উত্তর রাজা এইনে এক্কান দেবাল-ঘিজ্যে শঅর্ ঘিরিনে সিয়েন গজক্ গুরিবো। দোগিণো সৈন্যদলর মানা গুরিবার খেমতা ন-থেবঅ; এন্ কি, তারার বেগত্তুন্ গম্ সৈন্যদলরঅ তারা বিরুদ্ধে থিয়্যেবার খেমতা ন-থেবঅ।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

দানিয়েল 11:7

সে মিলেবোর গিরি ভিদিরেত্তুন্ একজনে তা বাবর্ রাজ পদত্ নিবাত্তে উদিবো। ‌তে উত্তোরে রাজার সৈন্যদলরে আক্রমন গুরিনে তা তাম্বুলানত্ সোমেব আর তারা বিরুদ্ধে যুদ্ধো গুরিনে জিদিবো।

সখরিয় 11:16

দেজ উগুরে মুই এমন এক্কো গরগরে তুলিম যে দজাত্ পোজ্যে মানুচ্চুনোরে দেগাশুনো ন-গুরিবো, যিগুনে ছিদি পোজ্যন্ তারারে ন-তোগেব, যিগুনে আঘাত্ পেইয়োন তারারে গম্ ন-গুরিবো, পক্তামক্তাগুনোরে ন-খাবেব; মাত্তর্ তে বেঈ লোইয়্যে ভেড়াগুনোর য়েরানি হেবঅ আর তারার্ খুরত্তুন্‌অ য়েরানি ছিনি ছিনি হেবঅ।