দানিয়েল 11:38 - Chakma Bible

³⁸ সিগুনোর্ বদলে তে যুদ্ধোর দেবেদাবোরে সর্মান গুরিবো; যে দেবেদাবো পূরোণি মানুচ্চুনোর হবর্ ন-পেইয়্যে তারেই তে সনা, রূবো, মংগা মংগা পাত্তর্ আর বক্‌‌‌শিজ দিইনে সর্মান দেগেব।

দানিয়েল 11:38 ပူးပေါင်းရင်းမြစ်များ

যিশাইয় 44:9

যিগুনে খোদাই গোজ্যে মূত্তি বানান্ তারা অপদাত্ত; তারার্ এই দামী জিনিস্‌ছানি উপকারী নয়। সেই মূত্তিগুনোর্ তপ্পে ওইনে যিগুনে কধা কন্ তারা চোগ্ কান্‌, কিচ্চু হবর্ ন-পান্; সেনত্তে তারা লাজত্ পড়িবাক্।‌

দানিয়েল 11:37

তার পূরোণি মানুচ্চুনোর দেবেদাগুন বা মিলেগুনে যিয়েনি চান্ সিয়েনি উগুরে তে কনঅ সর্মান ন-দেগেব; আজলে কনঅ দেবেদারে তে সর্মান ন-গুরিবো, মাত্তর্ বেক্কুনো উগুরে নিজোরে অজল্ গুরি দেগেব।

দানিয়েল 11:39

সেই হবর্ ন-পেইয়্যে দেবেদাবোলোই তে বেগত্তুন্ দরমর ঘরানি আক্রমণ গুরিবো আর যিগুনে তারে মানি নেযেবাক্ তারারে তে অমকদ সর্মান গুরিবো আর বক্‌‌‌শিজ ইজেবে ভূই ভাগ গুরি দিবো।

দানিয়েল 11:7

সে মিলেবোর গিরি ভিদিরেত্তুন্ একজনে তা বাবর্ রাজ পদত্ নিবাত্তে উদিবো। ‌তে উত্তোরে রাজার সৈন্যদলরে আক্রমন গুরিনে তা তাম্বুলানত্ সোমেব আর তারা বিরুদ্ধে যুদ্ধো গুরিনে জিদিবো।

১ তীমথিয় 4:1

পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

ফগদাং পেইয়্যে 18:12

তারার সেই জিনিচ্চানি ভিদিরে আঘে-সনা, রূবো, মংগা পাথর আর মুক্তা; কচি মসীনার্ কাবড়, বিগুনী রংয়র্ কাবড়, রেশমী আর রাঙা কাবড়; নানান্ বাবোত্যে তুম্‌বাচ্‌ গাজ আর এদো দাতর্ বানেয়্যে নানান্ বাবোত্যে জিনিচ্‌; ভারী মংগা গাজ্‌চোই বানেয়্যে আর পিদোল, লুয়ো আর মার্বেল পাথরলোই বানেয়্যে নানান্ জিনিচ্‌;