দানিয়েল 11:36 - Chakma Bible

³⁶ উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 11:36 ပူးပေါင်းရင်းမြစ်များ

গীতসংহিতা 136:2

গোজেন, যিবে বেক্ দেবেদাগুনোত্তুন্‌অ দাঙর্ তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

যিশাইয় 10:23

পুরো দেজ্‌চান উগুরে যে ভস্ত অনাগান ঠিগ্ গরা আঘে সেধোক্ক্যেন্ গুরি বেগত্তুন্ খেমতাবলা প্রভু লগেপ্রভু কাম গুরিবো।‌‌‌‌

যিশাইয় 10:25

তমা উগুরে মঅ রাগ্‌কান খুব যাদিমাদি থুম্ অবঅ, আর সিয়েনে আসিরিয়গুনোরে ভস্ত গুরিবো।”

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 14:13

তুই মনে মনে কোইয়োচ্চ্যে, মুই স্বর্গত্ উদিম্, গোজেন তারাগুনো উগুরে মঅ সিংহাসনান্ তুলিম্; যিয়েনত্ দেবেদাগুনে এগত্তর্ অন্ উত্তোরেদি সে মুড়োবো উগুরে মুই সিংহাসনত্ বুজিম্।

যিশাইয় 14:14

মুই মেঘ উগুরে উদিম্; মুই দাঙর্ গোজেন সং সং ওম্।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 57:9

তুই জলপাইয়র তেল্ মাজিনে রাজা ইদু যেইয়োচ্ আর অমকদ তুম্বাজ্ জিনিস্ বেবহার গোজ্যস্। তঅ দূত্‌তুনোরে তুই দূর্ দেজত্ পাদেয়োচ্, এমন্ কি, মরণ জাগা সং পাদেয়োচ্।‌‌‌

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 35:13

তুই মঅ বিরুদ্ধে বাড়্‌বো গুরিনে বোউত্ কধা কোইয়োচ্। মুই সিয়েনি বেক্কানি শুন্যং।

দানিয়েল 11:16

আক্রমন গুরিয়্যেবো যিয়েন হুজি সিয়েনই গুরিবো; তা বিরুদ্ধে কনজনে থিয়্যেই ন-পারিবাক্। দোল্ দেজ ভিদিরে তে নিজোরে থিদেবর্ গুরিবো আর সিয়েন ভস্ত গুরিবার খেমতা তার থেবঅ।

দানিয়েল 11:3

সেক্কে এক্কো খেমতাবলা রাজা উদিবো আর দাঙর্ খেমতালোই রাজাগিরি গুরিবো; তে যিয়েন হুজি সিয়েনই গুরিবো।

দানিয়েল 11:37

তার পূরোণি মানুচ্চুনোর দেবেদাগুন বা মিলেগুনে যিয়েনি চান্ সিয়েনি উগুরে তে কনঅ সর্মান ন-দেগেব; আজলে কনঅ দেবেদারে তে সর্মান ন-গুরিবো, মাত্তর্ বেক্কুনো উগুরে নিজোরে অজল্ গুরি দেগেব।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 5:19

তারে সেই খেমতা দিইনে বেক্ জাদ্‌‌‌তুনোর্, দেজর আর ভাষার মানুচ্চুনে তা মুজুঙোত্ দরে গির্‌গিরেদাক। তে যিবেরে আওজ্ তারে মারে ফেলেদ, যিবেরে আওজ্ তারে জেদা রাগেদ, যিবেরে আওজ্ তারে দাঙর্ পধত্ তুলিদো আর যিবেরে আওজ্ তারে তলেদি লামেই দিদো।‌‌

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

দানিয়েল 8:19

তে কলদে, রাগর্ সময় শেজদি যিয়েনি ঘুদিবো সিয়েনি মুই তরে কঙর্, কারন দর্শনান্ অলঅ শেজকালর্ ঠিগ্ গোজ্যে সময়ো পৌইদ্যেনে।

দানিয়েল 8:4

মুই দেগিলুং ভেড়াবো পোজিমেদি, উত্তোরেদি আর দোগিণেদি গুদো মারিলো। তা মুজুঙোত্ কনঅ য়েমানে ঠিগি ন-পারিলো আর তা আঢত্তুন্ উদ্ধোর গুরি পারন্ এমন কনজন ন-এলাক্। তে যিয়েন হুজি সিয়েনই গুরিদো আর তে খেমতাবলা ওই উদিলো।

সখরিয় 11:16

দেজ উগুরে মুই এমন এক্কো গরগরে তুলিম যে দজাত্ পোজ্যে মানুচ্চুনোরে দেগাশুনো ন-গুরিবো, যিগুনে ছিদি পোজ্যন্ তারারে ন-তোগেব, যিগুনে আঘাত্ পেইয়োন তারারে গম্ ন-গুরিবো, পক্তামক্তাগুনোরে ন-খাবেব; মাত্তর্ তে বেঈ লোইয়্যে ভেড়াগুনোর য়েরানি হেবঅ আর তারার্ খুরত্তুন্‌অ য়েরানি ছিনি ছিনি হেবঅ।

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

২ থিষলনীকীয় 2:3

কেঅ যেন কনঅ বাবদে তমারে ভুল্ পধেদি ন-নেযায়; কিয়া সেই দিন্নো এবার আগেদি গোজেনর্ বিরুদ্ধে জদবদে বিদ্রোহ অবঅ আর সেই অবাধ্যবলা মরদ, যিবের্ ভস্ত অবার কধা আঘে, তে ফগদাং অবঅ।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।

ফগদাং পেইয়্যে 10:7

মাত্তর্ সাত-লম্বর স্বর্গদূত্‌তো তা তূরীবো বাজেবার দিনোত্ গোজেনর্ গুমুরো উদ্দেচ্চ্যগান পরিপূরোণ অবঅ। গোজেনে তা নিজো চাগরুনো ইধু, অত্তাৎ ভাববাদীগুনো ইধু যিয়েনি জানেয়্যে ঠিগ্ সেবাবোত্যে গুরি ইয়েনি অবঅ।”

ফগদাং পেইয়্যে 12:14

সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 13:1

ইয়েন পরেদি মুই এক্কো য়েমানরে দোজ্জ্যে সাগর ভিদিরেত্তুন্ উদি এত্তে দেগিলুং। সেই য়েমান্নোর্ দোশ্‌চো শিং আর সাত্‌টো মাঢা এলাক্। সেই শিঙুনো উগুরে দোশ্‌চো মুকুট এলঅ আর মাঢাগুনো উগুরে গোজেনরে অগমান গুরিবাত্যে নানান্ বাবোত্যে নাঙ্ লেগা এলঅ।

ফগদাং পেইয়্যে 17:17

ইয়েনর্ কারণান্ অলঅ, গোজেনে তারার্ মন ভিদিরে এমন্‌ আওজ্ দিয়্যে যেনে তার্ কধানি ফলে। সিয়েনর্ কারনে তারা একমন ওইনে সেই য়েমান্নো ইধু তারার্ বেক খেমতাগানি দান গুরিবাক্, যেনে গোজেনর্ কধানি পূরোণ ন-অনা সং তে রাজাগিরি গুরি পারে।

ফগদাং পেইয়্যে 17:3

সে পরেদি সেই স্বর্গদূত্‌তো মরে ধূল্যেচর চাগালাত্ নেযেল। সেক্কে মুই পবিত্র আত্মার্ অধিনোত্ এলুং। সিয়েনত্ মুই এক্কো মিলেরে এক্কো রাঙা রংয়র্ য়েমান উগুরে বৈ থাদে দেগিলুং। গোজেনরে অগমান গুরিবাত্যে ভালক্কানি নাঙ্ সেই য়েমান্নো উগুরে লেগা এলঅ। তার্ সাত্‌টো মাঢা আর দোচ্‌শো শিং।