দানিয়েল 11:31 - Chakma Bible

³¹ তা সৈন্যগুনে উপোসনা-ঘর, অত্তাৎ ঘরানি অসিজি গুরিবাক্ আর পত্তিদিনোর উৎসর্বর অনুষ্ঠান বন্ধ গুরি দিবাক্। সে পরেদি তারা ভস্ত অবার্ ঈচ্ গরেদে জিনিস থিদেবর্ গুরিবাক্।

দানিয়েল 11:31 ပူးပေါင်းရင်းမြစ်များ

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

যিহিষ্কেল 9:7

সে পরেদি গোজেনে তারারে কলঅ, “তুমি মোজ্যন্দে মানুচ্চুন্দোই উদোনান্ ভোরেই ফেলেইনে উবোসনা-ঘরান্ অসিজি গরঅ। যঅ, কাম গরঅ।” সেনত্তে তারা নিগিলিনে শঅরত্ যেইনে মানুচ্চুনোরে মারে ফেলা ধুরিলাক্।

দানিয়েল 12:11

যেদিন্যেত্তুন্ ধুরি অক্ত মজিম্ উৎসর্ব বন্ধ গুরি দিয়্যে অবঅ আর সর্বনাশা ঈচ্ গরেদে জিনিস থিদেবর্ গরা অবঅ সেদিন্যেত্তুন্ ধুরি এক আজার্ দিশঅ নব্বই দিন অবঅ।

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

দানিয়েল 8:26

“তরে সাজোন্যে আর বেন্যেমাদান্ উৎসর্বর পৌইদ্যেনে যে দর্শনান্ দেগা ওইয়্যে সিয়েন সত্য, মাত্তর্ এ দর্শনান্ সীলমহ্‌‌‌র গুরি রাগা, কিত্যে সিয়েন ভবিচ্চদে বোউত্ পরেদি অবঅ।”

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

মথি লেখ্যে গম্ হবর্ 24:15

ভাববাদী দানিয়েল মাধ্যমে যে সর্বনাজ ঘিনাইদ্যে জিনিজোর্ কধা কুয়ো ওইয়্যে সিয়েন্ তুমি পবিত্র জাগাত্ থুয়ো ওইয়্যে দেগিবা। (যে পড়ে তে বুঝোক্।)

মার্ক 13:14

সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

লূকে লেখ্যে গম্ হবর্ 21:20

তুমি যেক্কে দেগিবা যিরূশালেমানরে সৈন্যগুনে ঘিরি ফেল্ল্যন্ সেক্কে বুঝিবা, যিরূশালেমর্ ভস্ত অবার্ সময় এচ্চ্যে।

ফগদাং পেইয়্যে 17:12

“যে দোচ্চো শিং তুই দেখ্যচ্ সিগুন অলাক্ দশজন রাজা। তারা এজঅ রাজাগিরি গরানা আরাম্ভ ন-গরন, মাত্তর্ তারা সেই য়েমান্নো সমারে কানক্কনত্যে রাজা ইজেবে রাজাগিরি গুরিবার খেমতা পেবাক্।