দানিয়েল 11:24 - Chakma Bible

²⁴ তাগোয়্যে রেজ্যগানিয়ে যেক্কে নিজোরে নিরাপদ মনে গুরিবো সেক্কে তে তারারে আক্রমন গুরিবো আর তার পূরোণি মানুচ্চুনেয়ো সেই পূরোণি মানুচ্চুনোর পূরোণি মানুচ্চুনে যিয়েনি গুরি ন-পারন্ তে সিয়েনি গুরিবো। কাড়ি নেযেয়্যে আর লুদেয়্যে পযাপিরানি আর ধনানি তে তার্ মানুচ্চুনো ভিদিরে বিলেই দিবো। তে তাম্বুলানি সর্বনাশ গুরিবাত্তে কুজুরোমি গুরিবো, মাত্তর্ সিয়েনি বানা কয়েক দিনোত্তে।

দানিয়েল 11:24 ပူးပေါင်းရင်းမြစ်များ

নহিমিয় 9:25

তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

গম্ উপদেজ্ 17:8

যে মানুচ্চো ঘুষ্ দে তাইদু সিয়েন ভাগ্যত্তে পাত্তর ধোক্ক্যেন্; তে যিন্দি ফিরে সিন্দি ফলে।

গম্ উপদেজ্ 19:6

দাঙর্ পোজিশন মানুচ্চুনে দোয়্যে পেবাত্তে বোউত্‌জনে তার চালাগি গরন্, আর যিবে দান গরে বেক্কুনে তার সমাজ্যে অন্।

গম্ উপদেজ্ 23:7

কিয়া তে এমন্ মানুচ্ যে নিত্য তা হানাগানর দামান কধা ভাবে। তে তরে কয়, “হানা-দানা গর্,” মাত্তর্ তে মনেদি-মুয়োদি এক নয়।

যিহিষ্কেল 34:14

চরি বেড়েবার গম্ জাগাত্ মুই তারারে চোরেম্ আর ইস্রায়েলর্ অজল্ অজল্ মুড়োত্ তারারে চোড়েবার জাগা অবঅ। গম্ গম্ চোড়েবার জাগাত্ তারা থেবাক্ আর সিয়েনত্ ইস্রায়েলর মুড়োগুনো উগুরে গম্ চরেদে ভূইয়োত্ হেই হেই বেড়েবাক্।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

দানিয়েল 11:23

চুক্তির্ পরেদিয়ো সেই রাজাবো ছলনা গুরিবো আর বানা কয়েক্কো মান্‌‌‌‌‌‌‌জ্যর বলে খেমতা পেবঅ।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

গণাণা 13:20

সিদুগোর্‌ মাদিত্‌ কি গম্‌ ক্ষেত-ক্ষেত্তি জর্মায়, না-কি ন-জর্মায়? সিয়েনত্‌ গাজবাজ্ আগন্‌, না-কি নেই? সে জাগানত্তুন্ কয়েক্কো গুলো-গুলি লোই আনিবাত্তে তুমি অমকদ চেট্টা গুরিবা।” সে অক্তত্‌ বানা আংগুর্‌ তুলোনা আরাম্ভ ওইয়্যে।

মথি লেখ্যে গম্ হবর্ 9:4

যীশু তারার্ মন কধা কোই পারিনে কলঅ, “তুমি মনে মনে ভান্ন্যেই চিন্তে কিত্তে গরর্?

বিচের গুরিয়্যেগুন 9:4

তারা বাল্‌বরীতর মন্দিরত্তুন্‌ তারে সত্তুর কট্টা রূবো দিলো। অবীমেলকে সিগুন্দোই কুদুক্কুন বাজে ন-দোরেইয়্যে মানুচ্‌ ভাড়া গুরিলো। ইগুনে তার সমাজ্যে অলাক্‌।