দানিয়েল 11:23 - Chakma Bible

²³ চুক্তির্ পরেদিয়ো সেই রাজাবো ছলনা গুরিবো আর বানা কয়েক্কো মান্‌‌‌‌‌‌‌জ্যর বলে খেমতা পেবঅ।

দানিয়েল 11:23 ပူးပေါင်းရင်းမြစ်များ

পত্থম 34:13

শিখিমে তারার্‌ বোন দীণার ইজ্জোত্‌তান বর্‌বাত্ গোজ্যে বিলি যাকোব পুয়োগুনে তারে আর তা বাপ্পো হমোররে চালাগি গুরি এ জোবপান্‌ দিলাক্, “আমি এ কামান্‌ গুরি নঅ পারিই। যিবের চুনু গুলোবোর্ মাদাগান কাবা ন-অয়্‌ এবাবোত্যে কার লগে আমা বোন্নোর্‌ জড়া বানি দেনা আমা পক্ষত্তুন্‌ অমকদ অসর্মান কাম।

গীতসংহিতা 52:2

তর্ জিলানদি ভস্ত অবার্ সল্লার কধা নিগিলি এজের্; ও ছলনাগুরিয়্যে, তর্ জিলান্ যেন ধার্ দিয়্যে ক্ষুর ধোক্ক্যেন্।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

দানিয়েল 11:22

যে দরমর সৈন্যদল্লো তা বিরুদ্ধে থিয়্যেব তারা উদি যেইনে ভস্ত ওই যেবাক্ আর চুক্তির্ নেতাবোয়ো ভস্ত ওই যেবঅ।

দানিয়েল 11:24

তাগোয়্যে রেজ্যগানিয়ে যেক্কে নিজোরে নিরাপদ মনে গুরিবো সেক্কে তে তারারে আক্রমন গুরিবো আর তার পূরোণি মানুচ্চুনেয়ো সেই পূরোণি মানুচ্চুনোর পূরোণি মানুচ্চুনে যিয়েনি গুরি ন-পারন্ তে সিয়েনি গুরিবো। কাড়ি নেযেয়্যে আর লুদেয়্যে পযাপিরানি আর ধনানি তে তার্ মানুচ্চুনো ভিদিরে বিলেই দিবো। তে তাম্বুলানি সর্বনাশ গুরিবাত্তে কুজুরোমি গুরিবো, মাত্তর্ সিয়েনি বানা কয়েক দিনোত্তে।

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

রোমীয় 1:29

নানান্ বাবোত্যে অন্যেয়, ভান্ন্যেই, লুভ্, নীচুতা, ইংসে, খুন্, মারামারি, ছলনা আর অন্যরে ক্ষতি গুরিবার আয়োজে তারা যুক্কোল্।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ থিষলনীকীয় 2:9

সেই অবাধ্যবলা মরদ্‌‌তো যেক্কে এবঅ সেক্কে তা সমারে থেবঅ শদানর্ খেমতা। সেই খেমতাগান ফগদাং পেবঅ নানান্ বাবোত্যে মিজে চিহ্নোলোই, আমক্ অবার্ কাম আর খেমতাবলা কাম ভিদিরে,