দানিয়েল 11:18 - Chakma Bible

¹⁸ সে পরেদি উত্তর রাজা দূরোর দেজ্‌‌‌‌‌চানি ইন্দি মনযোগ দিবো আর ভালোক্কানি দেজ্ গজক্ গুরি নিবো, মাত্তর্ এক্কো সেনাপতি তার সেই জিদেনার বাড়্‌বোগান্ শেজ্ গুরি দিবো আর তার্ ঈচ্ গরানাগান তা উগুরে ফিরেই দিবো।

দানিয়েল 11:18 ပူးပေါင်းရင်းမြစ်များ

ইষ্টের 10:1

রাজা অহশ্বেরশে তার্ পুরো রেজ্যগান্‌, এমন্‌ কি, দূরোর্‌ দেজ্‌ছানিত্‌অ কর্‌ বোজেল।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 2:10

তুমি পার্ ওইনে সাইপ্রাস দ্বীপোর সাগর পার দেজ্‌‍ছানিত্ যেইনে চঅ, কেদরত্ মানুচ্ পাধেইনে গমেডালে খিয়েল্ গরঅ। তুমি দেগিবা সিয়েনত্ এবাবোত্যে কনঅ কিজু কনদিন্‌অ ন-অয়।‍

যিরমিয় 31:10

“ও জাদ্‌তুন, মঅ কধানি শুনো; তুমি দূরোর দেজ্‌ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’‌‌‌‍‌‌‌‍

যিহিষ্কেল 27:6

তারা বাশন দেজর্ এলোন গাজত্তুন্ বানেয়োন তর্ পাঙেইয়ানি; সাইপ্রাসত্তুন্ তাশূর গাজ আনিনে তারা তর্ তক্তা বানেইনে এদো দাত্তোই সাজেয়োন্।

হোশেয় 12:14

মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।