দানিয়েল 11:11 - Chakma Bible

¹¹ সেক্কে দোগিণো রাজা অমকদ রাগে নিগিলি এইনে উত্তর রাজার বিরুদ্ধে যুদ্ধো গুরিবো। উত্তর রাজা এক্কো বিরেট্ সৈন্যদল তুবেলেয়ো তারা উদিই যেবাক্।

দানিয়েল 11:11 ပူးပေါင်းရင်းမြစ်များ

১ রাজাবলী 20:13

এ ভিদিরে ইস্রায়েলর রাজা আহাবর ইদু ইক্কো ভাববাদী এইনে এ কধাগান ফগদাঙ্‌ গুরিলো, “লগেপ্রভু কোইয়্যেদে, ‘তুই জদবদে দাঙর্‌ সৈন্যদল্লো দেগর্‌? এচ্ছ্যে মুই তারারে তঅ আঢত্‌ তুলি দিম্‌ আর সেক্কে তুই হবর্ পেবেদে, মুয়ই লগেপ্রভু।’”

১ রাজাবলী 20:28

সেক্কে গোজেনর্ ইক্কো মানুচ্‌ এইনে ইস্রায়েলর রাজারে কলঅ, “লগেপ্রভু এ কধাগান কত্তে, ‘অরামীয়োগুনে মনে গোজ্যন্‌ লগেপ্রভু মুড়ো-মুড়ির্‌ গোজেন, কিজিঙোর্‌ গোজেন্‌ নয়; সেনত্তে মুই এ দাঙর্‌ সৈন্যদল্লোরে তঅ আঢত্‌ তুলি দিম্‌, আর সেক্কে তুমি জানি পারিবা, মুই লগেপ্রভু।’”

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যিরমিয় 27:6

ইক্কিনে মুই তমার বেক দেজ্‌চানি মর্ চাগর বাবিলোর রাজা নবূখদ্‌নিৎসরর আঢত্ তুলি দিম; এন্ কি, ঝার্‌বো এ্যামানুনোরেয়ো মুই তা অধীনোত্ গুরিম।‌‍‌‌‌‌‍‍‍‌‍‌‌‌‌‍‍

দানিয়েল 11:12

দোগিণো রাজা সৈন্যগুনোরে বন্দী গুরিনে নেযেবার পরেদি অহংকারে ভরা অবঅ আর আজার্ আজার্ মান্‌‌‌‌জ্যরে মারে ফেলেব, তো তে শেজদি ন-জিদিবো।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

দানিয়েল 11:44

মাত্তর্ পূগেদি আর উত্তরেদি হবর্ পেইনে তে দোরেব আর অমকদ রাগে ভস্ত গুরিবাত্তে আর ভালোক্ জনরে মারে ফেলেবাত্তে তে নিগিলিবো।

দানিয়েল 11:5

দোগিণেদি রাজাগুনে খেমতাবলা অবাক্, মাত্তর্ তার এক্কো সেনাপতি তাত্তুন্ বেশ্ আরঅ খেমতাবলা ওইনে আরঅ দাঙর্ রেজ্য শাজন্ গুরিবো।

দানিয়েল 2:38

তঅ আঢত্ তে মানুচ্, য়েমান আর পেগ্‌‌‌‌কুনোরে দিয়্যে। তারা যিদু বজত্তি গুরিদাক্ সাৎ তে তারারে বেক্কুনোরে তঅ অধীনোত্ গোজ্যে। তুয়ই সেই সোনার মাঢাবো।

দানিয়েল 8:7

মুই দেগিলুং ছাগল্লো সেই ভেড়াবোরে অমকদ আঘাত্ গুরিনে তার শিং দ্বিবে ভাঙি ফেলেল। তা মুজুঙোত্ ভেড়াবোর থিয়্যেবার কনঅ খেমতা ন-রলঅ; ছাগল্লো তারে মাদিত্ ফেলেইনে টেঙোই উরো ধুরিলো। তা আঢত্তুন্ ভেড়াবোরে উদ্ধোর্ গুরি পারে এবাবোত্যে কনজন ন-এলঅ।