দানিয়েল 10:6 - Chakma Bible

⁶ তা কিয়্যেগান বৈদূর্যমণি ধোক্ক্যেন, মুয়োন কারেন ধোক্ক্যেন, চোগ্‌কুন জ্বোল্‌জোল্যে বম্বা ধোক্ক্যেন, আঢ্-টেঙানি পালিশ গোজ্যে পিদোল চোক্‌চোক্যে ধোক্ক্যেন আর তা রবো এগত্তর্ ওইয়্যে বোউত্ মান্‌জ্যর্ রঅ ধোক্ক্যেন।

দানিয়েল 10:6 ပူးပေါင်းရင်းမြစ်များ

যাত্রা 28:20

চের্‌ লম্বর সুরোত্‌ পোখরাজ, বৈদূর্যমণি আর সূর্যকান্তমণি। পাত্তরুন্‌ সনার্‌ জালি উগুরে বজা পুরিবো।

পরমগীত 5:14

তা আত্ দ্বিয়েন্ যেন বৈদূর্যমণি বোজেয়্যে সোনার লুদিক্, আর কিয়্যেগান্ নীলকান্তমণিলোই সাজেয়্যে, পালিশ্ গোজ্যে এদো দাদ ধোক্ক্যেন্।

যিহিষ্কেল 1:14

প্রাণীগুন ঝিমিলেনি ধোক্ক্যেনগুরি এজানা-যানা গরদন্।

যিহিষ্কেল 1:16

সেই চাক্কাগুনোর্ সাইজ্‌চান আর গঠনান্ এবাবোত্যে এলঅ-সিগুন বৈদূর্যমণি ধোক্ক্যেন ঝিমিত্ ঝিমিত্ গরের্ আর সেই চের্‌‌বো চাক্কা রিনি চাদে এক বাবোত্যে এলঅ। এক্কো চাক্কা ভিদিরে যেন আর এক্কো চাক্কা এবাবোত্যেগুরি পত্তি চাক্কা বানেয়্যে এলঅ।

যিহিষ্কেল 1:24

প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 1:7

তারার্ টেঙানি এলদে উজু আর টেঙ পাদানি গোরুছর্ টেঙ মুরি ধোক্ক্যেন্; সিগুন পালিশ গোজ্যে পিদল ধোক্ক্যেন্ চোক্‌‌‌চোক্ক্যে।

যিহিষ্কেল 10:9

পরেদি মুই রিনি চেইনে করূব্‌‌পুনোরে পত্তিজনর কায়-কুরে এক্কো গুরি বেক্কুনে চের্‌‌বো চাক্কা দেগিলুং; চাক্কাগুন বৈদুর্যমণি ধোক্ক্যেন ঝোক্‌‌ঝোক্যে গরের্।

যিহিষ্কেল 40:3

তে মরে সিয়েনত্ নেযেল আর মুই এক্কো মান্‌জ্যরে দেগিলুং যিবের্ কিয়্যেগান পিদোল ধোক্ক্যেন ঝক্‌মক্ গরের্। আঢত্ মসীনার দড়ি আর মাবেদে কাদিবো নিইনে তে গেদোত্ থিয়্যেই এলঅ।

যিহিষ্কেল 8:2

মুই রিনি চেইনে মান্‌জ্য ধোক্ক্যেন একজনরে দেগিলুং। তা কমরত্তুন্ ধুরি তলেদি সং আগুনো ধোক্ক্যেন লাগের্, আর কমরত্তুন্ ধুরি উগুরে সং চোক্‌চোক্ক্যে ধাতু ধোক্ক্যেন জোল্‌জোল্যে এলঅ।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

মথি লেখ্যে গম্ হবর্ 28:3

তা চেঙেরাগান্ কারেন ধোক্ক্যেন্ এলঅ আর তা কাবড়-চুগোড়ানি তুলো ধোক্ক্যেন্ ধুব্ এলঅ।

লূকে লেখ্যে গম্ হবর্ 9:29

তবনা গুরিবার্ অক্তত্ যীশুর মুয়ো চেঙারাগান্ বুদুলী গেলঅ আর তা কাবড়-চুগোড়ানি অমকদ ধুব্ ওই গেলঅ,

ফগদাং পেইয়্যে 10:1

সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্:

ফগদাং পেইয়্যে 21:20

পাচ্ লম্বরান সূর্যকান্তমণির, ছয় লম্বরান সার্দীয়মণির, সাত লম্বরান পোখরাজর, আস্‌তো লম্বরান বৈদুর্যমণির, নয় লম্বরান পীতমণির, দশ লম্বরান উপলের, এগার লম্বরান ফিরোজামণির আর বার লম্বরান পদ্মরাগর।