কলসীয় 4:8 - Chakma Bible

⁸ তুমি যেন আমা পৌইদ্যেনে জানি পারঅ আর তে যেন তমারে উচ্চোমি তুলি দি পারে সেনত্যে মুই তারে তমা ইধু পাধেলুং।

কলসীয় 4:8 ပူးပေါင်းရင်းမြစ်များ

যিশাইয় 40:1

তমা গোজেনে কোইয়্যেদে, “মঅ মানুচ্চুনোরে সান্ত্বনা দুয়ো, সান্ত্বনা দুয়ো।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

২ করিন্হীয় 1:4

আমার্ বেক্‌ দুঘোত্ তে সান্তনা দান গরে, যেন তাত্তুন্ পেইয়্যে সান্তনা আমি অন্যগুনোর্ দুঘোত্অ দি পারিই।

২ করিন্হীয় 12:18

মুই তীতরে যেবাত্যে কোজোলি গোজ্জ্যং, আর তা সমারে সেই ভেইবোরেয়ো পাধেয়োং। তীতে কি তমারে থোগেয়্যে? কনদিন্অ নয়! মুই আর তীতে কি একই মনভাব্‌পোই একই কাম ন-গুরিই?

২ করিন্হীয় 2:7

তুমি বরং ইক্কিনে তারে ক্ষেমা গরঅ আর সান্তনা দুয়ো, যেন অমকদ দুঘোত্ তে আজা ন-আরায়।

ইফিষীয় 6:22

আমা পৌইদ্যেনে যেন তুমি কোই পারঅ আর তে যেন তমারে উচ্চোমি দি পারে সেনত্যে মুই তারে তমা ইধু দিপাধেলুং।

ফিলিপীয় 2:28

সেনত্যে ভারী আওজ্ গুরিনে মুই তারে পাধাঙর্ যেন তারে দেগিনে তুমি হুজী অ আর মর্-অ চিদেচজ্জা কমে।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

১ থিষলনীকীয় 4:18

সেনত্যে তুমি এ কধানি কোইনে একজন আরেকজনরে সান্তনা দুয়ো।

১ থিষলনীকীয় 5:11

ইয়েনত্যে তুমি ইক্কিনে যিয়েন গরর্ সেবাবোত্যেগুরি একজন আরেকজনরে উচ্চোমি দান গুরিবাত্যে আর একজন আরেক জনরে গাধেই তুলোনাত্ থাগঅ।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।