কলসীয় 4:15 - Chakma Bible

¹⁵ লায়দিকেয়ার বিশ্বেজি ভেইয়ুনোরে আর নুম্ফা আর তা ঘরত্ যে মানুচ্চুনে মন্ডলী ইজেবে এগত্তর অন্, তারারেয়ো পাত্তুরু তুরু জানেয়ো।

কলসীয় 4:15 ပူးပေါင်းရင်းမြစ်များ

রোমীয় 16:5

তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

১ করিন্হীয় 16:9

কিয়া যে কামত্ সাগর ফল পা-যায় সেবাবোত্যে কামত্যে এক্কো দাঙর্ জু মঅ মুজুঙোত্ এচ্চ্যে; খালিক্ ভালোকজনে ইয়েনত্ মানায়ো গত্তন্।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।

কলসীয় 4:13

ইপাফ্রা পৌইদ্যেনে মুই ইয়েন কোই পারংগে, তমাত্যে আর যিগুনে লায়দিকেয়া আর হিয়রাপলি শঅরত্ আঘন তারাত্যে তে অমকদ কাম্ গরে।

কলসীয় 4:16

তমা ভিদিরে এ চিধিয়ান পড়ানা থুম্ অলে পরেদি লায়দিকেয়ার মন্ডলীবোরেয়ো এ চিধিয়ান পড়িবাত্যে দুয়ো, আর লায়দিকেয়া মন্ডলীবোরে যে চিধিগান পাধা অবঅ সিয়েন-অ তুমি পোজ্জ্য।

ফিলীমন 1:2

আমা বোন আপ্পিয়া ইধু, আমা লগে কামগুরিয়্যে আর্খিপ্পর ইধু আর তঅ ঘরত্ যিগুনে মন্ডলী ইজেবে এগত্তর্ অন্ তারা ইধু এ চিধিয়ান লেগঙর্।