কলসীয় 3:6 - Chakma Bible

⁶ যিগুনে গোজেনর্ অবাধ্য তারা উগুরে ইয়েনি বেক্কানির্ কারনে গোজেনর্ সাজা লামি এজের্।

কলসীয় 3:6 ပူးပေါင်းရင်းမြစ်များ

যিশাইয় 57:4

তুমি কারে ঠাট্টা গরর্? কারে তুমি মুয়োন ভেঙর্ আর জিলান্ দেগর্? তুমি কি অন্যেয় গুরিয়্যেগুনোর্ বংশ আর মিজে কধা কোইয়্যেগুনোর পুয়ো নয়?

রোমীয় 1:18

মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

১ পিতর 1:14

গোজেনর্ বাধ্য পুয়ো-ছা ইজেবে তুমি তমার পুরোণি ভান্ন্যেই আওজ্ মজিম জিংকানি ন-কাদেয়ো; সেক্কে দঅ তুমি গোজেনরে ন-চিনিদা।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।