কলসীয় 3:4 - Chakma Bible

⁴ যিবে তমার্ জিংকানি সেই খ্রীষ্ট যেক্কে ফগদাং অবঅ সেক্কে তুমিয়ো তা সমারে তার্ মহিমার ভাগী ওইনে ফগদাং পেবা।

কলসীয় 3:4 ပူးပေါင်းရင်းမြစ်များ

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

লূকে লেখ্যে গম্ হবর্ 17:30

যেদিন্ন্যে মান্‌জ্যপুয়োবো ফগদাং অবঅ সেদিন্ন্যে এবাবোত্যে অবঅ।

যোহন 11:25

যীশু মার্থারে কলঅ, “মুয়ই পুনরুত্থান্ (জেই উত্তোং) আর জিংকানিগান্। যে মঅ উগুরে বিশ্বেজ্ গরে, তে মল্লেয়ো জেদা অবঅ।

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

রোমীয় 8:18

মুই কোই পারং, আমি যে মহিমাগান্ যেরেদি পেবং সিয়েন তুলনায় আমা এ জিংকানিত্ দুঘ্ পানাগান্ কিচ্চু নয়।

রোমীয় 8:19

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্,

১ করিন্হীয় 1:7

সেনত্তে যেক্কে তুমি আমা প্রভু যীশু খ্রীষ্ট ফগদাং অবাত্তে আওজ্ গুরিনে বাজ্জেই আঘঅ সেক্কে গোজেনর্ দিয়্যে কনঅ দানর্ অভাব তমার্ ন-অর্।

১ করিন্হীয় 15:43

সিয়েন অসর্মান সমারে মাদিত্ দিয়্যে অয়, মাত্তর্ সর্মান লগে তুলো অবঅ; বল্‌নেইয়্যে অবস্থায় মাদিত্ দিয়্যে অয়, মাত্তর্ খেমতালোই তুলো অবঅ;

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

১ থিষলনীকীয় 4:17

সে পরেদি আমি যিগুনে জেদা আর বাগী থেবং, আমারেয়ো আগজত্ প্রভু লগে মিজেবাত্যে তারা সমারে মেঘ ভিদিরে তুলি নেযা অবঅ। আর এবাবোত্যেগুরি আমি উমরত্যে প্রভু সমারে থেবং।

১ তীমথিয় 6:14

আমা প্রভু যীশু খ্রীষ্ট ফগদাং ন-অনা সং সাব্ গুরিনে মর্ উগুমানি পালেই যাহ্, যেন কেঅ তরে বদ্‌নাং গুরি ন-পারন।

২ তীমথিয় 1:1

খ্রীষ্ট যীশুর মাধ্যমে উমর্‌‌অ জিংকানির এগেম্ মজিম গোজেনর্ আয়োজে মুই পৌল খ্রীষ্ট যীশুর এক্কো প্রচারক ওইয়োং।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

১ যোহন 2:28

পুয়োলগ্, সেনত্যে কঙর্, তুমি খ্রীষ্ট সমারে থাগঅ যেনে তে যেক্কে ফগদাং অবঅ সেক্কে আমার সাহচ্‌ থায় আর তে যেক্কে এবঅ সেক্কে তা মুজুঙোত্ আমার্ লাজে মুয়োনি লুগো ন-পরে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

১ যোহন 5:12

গোজেনর্ পুয়োবোরে যে পেইয়্যে তে সেই জিংকানিগান্অ পেইয়্যে; মাত্তর্ গোজেনর্ পুয়োবোরে যে ন-পায় তে সেই জিংকানিগান্অ ন-পায়।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।