কলসীয় 3:25 - Chakma Bible

²⁵ যে অন্যেয় গরে তে তার্ ফল পেবঅ। প্রভুর্ চোগেদি বেক্কুনে সং সং।

কলসীয় 3:25 ပူးပေါင်းရင်းမြစ်များ

২ শমূয়েল 14:14

মাদিত্‌ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্‌ গোজেনে পরাণান্‌ কাড়ি ন-নেযায় বরং তে এমন্‌ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্‌ দূরোত্‌ ন-থান্।

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

ইয়োব 37:24

ইয়েনত্তে মান্‌জ্যে তারে ভোক্তি গুরিনে দরান্; যিগুনে নিজোরে জ্ঞানি মনে গরন তারান্দি তে কনঅ নজর্ ন-দে।”

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

লূকে লেখ্যে গম্ হবর্ 20:21

সেনত্তে তারা তারে কলাক্, “মাষ্টরবাবু, আমি হবর্ পেই, তুই যিয়েনি কচ্ আর শিক্ষ্যে দুয়োচ্ সিয়েনি ঠিগ্। তুই বেক্কুনোরে সং চোগেদি দেগচ্ আর সত্য গুরিনে গোজেনর্ পধ পৌইদ্যেনে শিক্ষ্যে দি থাচ্।

প্রেরিত্‌ 10:34

সেক্কে পিতরে কধে আরাম্ভ গুরিলো, ইক্কিনে মুই ঘেচ্চ্যেক্‌গুরি বুঝিলুং গোজেন চোগোত্ বেক্কুনে সং।

রোমীয় 2:11

ইয়েনত্ দেগা যায়, গোজেনর্ চোগেদি বেক্কুনে সং সং।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

ইফিষীয় 6:8

পত্তিজনে তার বেক্‌ গম কামানিত্যে প্রভুত্তুন্ বক্‌শিজ্ পেবঅ-সিয়েন সেই চাগর্‌বো ওক্, আর গিরোজ্‌সো ওক্।

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

কলসীয় 4:1

গিরোজ্‌চুন্, স্বর্গত্ তমার্‌অ এক্কো গিরোজ্ আঘে জানিনে তুমি তমার চাগরুনো লগে গম্ আর ন্যায় বেবহার গরঅ।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

২ থিষলনীকীয় 1:6

গোজেনর্ ন্যায়বিচেরান ইয়েন-যিগুনে তমারে দুঘ্ দুয়োন তে তারারে দুঘ্ দিবো;

ফিলীমন 1:18

যুনি তে তর্ কনঅ ক্ষতি গুরি থায় বা তইধু কনঅ পৌইদ্যেনে কজ্জতলাত্ থায় সালে সিয়েন মর্ কজ্জ বিলিনে ধুরিচ্।

ইব্রীয় 2:2

স্বর্গদূত্‌তুনোরে দিইনে যে কধানি কুয়ো ওইয়্যে সিয়েনির দঅ কনঅ লড়্‌চড় ন-অয়; সিয়েনি বাদে যে কেঅ গোজেনর্ উগুম অমান্য গোজ্জ্যে আর তা কধানি শুনিবাত্যে ন-চায় তে তার্ উজিত সাজা পেয়্যে।

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।