কলসীয় 3:19 - Chakma Bible

¹⁹ তুমি যিগুনে নেক্, তুমি পত্তিজনে মোগরে কোচ্‌পেয়ো আর তা লগে কড়া বেবহার ন-গোজ্জ্য।

কলসীয় 3:19 ပူးပေါင်းရင်းမြစ်များ

পত্থম 24:67

ইস্‌হাকে সেক্কে রিবিকারে তার মা সারার তাম্বুলোত্ নেযেল আর তারে মোক্‌ ইজেবে ললঅ। রিবিকার কোচ্‌পানাগানে মাবো মরানার্‌ পরেদিয়ো তারে ঠিগেই রাগেল।

উপদেশক 9:9

বেলান তলেদি গোজেনে তরে এ কয়েক্কো দিন দিয়্যে, তঅ জিংকানির্ সে দিনুন্ তঅ মোক্কো, যিবেরে তুই কোচ্‌পাজ, তা সমারে হুজিয়ে-রাজিয়ে কাঢা, কিত্তে বেলান তলেদি তর্ জিংকানিগান আর তর্ দুঘে কাম্ গরানা ভিদিরে ইয়েনই তর্ পাওনা।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

রোমীয় 3:14

তারার্ মুয়োনি অভিশাব আর তিদে কধালোই ভরা।

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

ইফিষীয় 5:25

তুমি যিগুনে নেগ্, খ্রীষ্ট যেধোক্ক্যেন গুরি মন্ডলীরে কোচ্‌পেইয়্যে আর সিয়েনত্যে নিজোরে দান গোজ্জ্যে ঠিগ্ সেধোক্ক্যেন তুমিয়ো বেক্কুনে মোগরে কোচ্‌পেইয়ো।

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

কলসীয় 3:21

তুমি যিগুনে বাব্, তমার পুয়ো-ছাগুনোর্ মনানি যাগুলুগ্ গুরি ন-দুয়ো, যেন তারা মন্‌মরা ন-অন্।

যাকোব 3:14

মাত্তর্ তমা রিবেঙানি যুুদি ইংসেলোই ভুরি উদে আর নিজো লুভে ভরা থায় সালে জ্ঞানর্ দেমাগ্ ন-দেগেয়ো, সত্যগানরে মিজে ন-বানেয়ো।

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।