কলসীয় 2:9 - Chakma Bible

⁹ গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

কলসীয় 2:9 ပူးပေါင်းရင်းမြစ်များ

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

লূকে লেখ্যে গম্ হবর্ 14:22

ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

লূকে লেখ্যে গম্ হবর্ 3:22

সে অক্তত্ পবিত্র আত্মা কোদোর ধোক্ক্যেন্ গুরি তা উগুরে লামি এলঅ, আর স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পানার্ পুয়ো, তঅ উগুরে মুই অমকদ হুজি।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

যোহন 10:30

মুই আর বাবা এক্।”

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 14:20

সেদিন্ন্যে তুমি জানিবা যে, মুই বাবা সমারে এগত্তর্ আঘং আর তুমি মঅ সমারে এগত্তর্ আঘঅ আর মুই তমা সমারে এগত্তর্ আঘং।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 2:21

মাত্তর্ যীশু গোজেন ঘর্ কধে নিজো কিয়্যেগান কধা কোইয়্যে।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

কলসীয় 1:19

গোজেনে চেইয়্যেদে যেন তার্ বেক্‌ ভর্‍‌‌‌‍‌‍পুনোঙান্ খ্রীষ্ট ভিদিরে থায়।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

১ যোহন 5:7

পবিত্র আত্মা, পানি আর লো-এই তিনেনর্ মাধ্যমে সেই সাক্ষিগান এজের্ আর সেই তিনেনর্ সাক্ষি এক।