কলসীয় 2:20 - Chakma Bible

²⁰ খ্রীষ্ট সমারে মুরিনে তুমি যেক্কে জগদর্ নানান্ সুদোমত্তুন্ দূরোত্ সুরি এচ্চ্য সেক্কে জগদর্ মানুচ্চুনো ধোক্ক্যেন তুমি কিত্ত্যে আরঅ জগদর্ নিয়মর্ অধীন অর্?

কলসীয় 2:20 ပူးပေါင်းရင်းမြစ်များ

যোহন 15:19

যুনি তুমি এ জগদর্ অদা সালে মানুচ্চুনে তারারে নিজোর্ বিলি তমারে কোচ্‌পেদাক্। মাত্তর্ তুমি এ জগদর্ নয়, বরং মুই তমারে জগদ ভিদিরেত্তুন্ বেঈ লোইয়োং কিনেই জগদ মানুচ্চুনে তমারে ঘিনান্।

২ করিন্হীয় 10:3

যুনিয়ো আমি লো-য়েরালোই মানুচ্ তো আমি যে যুদ্ধো গুরির্ সিয়েন লো-য়েরার্ যুদ্ধো নয়।

গালাতীয় 4:3

সেই একই মজিম আমিয়ো যেক্কে চিগোন্ এলং সেক্কে জগদর্ নানান্ সুদোমর্ চাগর্ এলং।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

কলসীয় 2:14

আর আমা বিরুদ্ধে যে দলিলানি এলঅ সিয়েনির বেক দাবি-দাওয়া সুদ্ধো সিয়েনি বাতিল গুরি দিয়্যে। সেই দলিলানি তে ক্রুশোত্ পেরেগ্ মারিনে নাকচ্ গুরি ফেল্ল্যে।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

কলসীয় 2:21

যেদক্কানি জিনিচ্ বেবহার গত্তে গত্তে বর্‌বাদ ওই যায় সেই বেক্‌ জিনিচ্চানি পৌইদ্যেনে এবাবোত্যে সুদোম আঘে-ন ধোজ্জ্য, ন-হেয়ো, ন-বাচ্চ্য। এবাবোত্যে সুদোম দঅ বানা মান্‌জ্যর্ দিয়্যে উগুম আর শিক্ষ্যে।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ যোহন 5:19

আমি কোই পারিই আমি গোজেনর্ আর গোদা জগদ্‌তান শদানর্ খেমতার্ তলেদি পড়ি আঘে।