কলসীয় 2:18 - Chakma Bible18 নিজো কিয়্যেগানরে দুঘ্ দেনা আর স্বর্গদূত্তুনোরে উবোসনা গরানা যিগুনে দরকারী বিলিনে মনে গরন্ সিগুনে যেন তমার বক্শিজ্ পেবার পধত্ মানা ন-গরন্। এবাবোত্যে মান্জ্যে যিয়েন দেক্ক্যন বিলিনে ভান্ গুরিনে সে পৌইদ্যেনে বোউত্ দাঙর্ দাঙর্ কধা কন্ আর এনেবাদে অহংকারে ফুলি উদোন্, কিয়া তারার্ মনানি পাপ-খাচ্চ্যদে ভরা। အခန်းကိုကြည့်ပါ။ |
কলসীয় 2:18
42 ပူးပေါင်းရင်းမြစ်များ
কিত্যে পিয়োরর্ দেবেদা পূজো আর কস্বীর বেপারান্দোই বুদ্ধি খাদেইনে তমারে ভুল্ পদথ্ নেযেইনে তারা তমার্ শত্রু ওইয়োন। তুই দঅ জানচ্, এই কস্বী এলদে তারার্ কুদুম্মো আর এক্কো মিদিয়নীয় সর্দারর ঝি। পিয়োরর্ বাল দেবেদা পূজোনার্ কারনে যেক্কে তমা ইদু ভানা দেগা দিয়্যে সেক্কে সেই মিলেবোরে মারে ফেলা ওইয়্যে।”
মত্তুন্ দর্ লাগের্, মুই যেক্কে তমা ইধু এম্ সেক্কে মুই তমারে যেধোক্ক্যেন দেগিবাত্যে চাং অয়ত সেধোক্ক্যেন্ ন-দেগিম্, আর তুমিয়ো মরে যেধোক্ক্যেন্ দেগিবাত্যে চঅ সেধোক্ক্যেন ন-দেগিবা। মত্তুন্ দর্ লাগেত্তে, তমা ভিদিরে কোল্-কোজ্যে, ইংসে, মেজাজ দেগানা, দলাদুলি, নিন্দে, পর কধালোই তেম্মাং, বাড়্ গরানা আর ঝাগুলুগ্ থেবঅ।
সেক্কে মুই সেই স্বর্গদূত্তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”
ကြော်ငြာတွေ