কলসীয় 2:16 - Chakma Bible

¹⁶ সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

কলসীয় 2:16 ပူးပေါင်းရင်းမြစ်များ

২ রাজাবলী 4:23

তা নেক্কো কলঅ, “তাইদু এচ্ছ্যে কিত্তে যেবে? এচ্ছ্যে দঅ আঙোস্যেয়ো নয়, জিরেবার দিনঅ নয়।” তে কলঅ, “সেক্কে গম্‌ অবঅ।”

২ বংশধর 31:3

লগেপ্রভুর্‌ রীদি-সুদোমত্‌ যেধোক্ক্যেন লেগা আঘে সেধোক্ক্যেন বেন্যে আর বেল্যে পূজ্যে উৎসর্বত্তে আর জিরেবার্‌ দিনোত্‌, আঙোস্যেত্‌ আর ঠিগ্‌ গোজ্যে পরবর্‌ অক্তত্‌ পূজ্যে-উৎসর্বত্তে রাজা তার্‌ নিজোর্‌ সোম্বোত্তিত্তুন্‌ দান গুরিলো।

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

নহিমিয় 10:33

এ শেখেলানিলোই যেনে টেবিলো উগুরে মুুজুঙো-রুটি দিয়্যে যায় আর দিনমজিম্‌ শোজ্য আর পূজ্যে-উৎসর্বর পরব্‌, জিরেবার্‌ দিনোত্‌ উৎসর্বর পরব্‌, আঙোস্যে আর অন্য ঠিগ্‌ গোজ্যে পরব্‌ পালেবার্‌ মেট্‌বান, সুদ্ধো-সাংগ জিনিস উৎসর্বর পরব্‌ আর ইস্রায়েলীয়গুনোর পাপ ঢাগিবাত্তে পাপ-উৎসর্বর পরব্‌ গরা যায় আর আমা গোজেনর ঘরর্‌ বেক্‌ কামানি গরা যায়।

নহিমিয় 8:9

সে পরেন্দি শাজন্‌গুরিয়্যে নহিমিয়, ধর্মগুরু আর ধর্ম-মাস্টর্‌ ইষ্রা আর যে লেবীয়গুনে মানুচ্চুনোরে শিক্ষ্যে দেদন্‌ তারা বেক্‌ মানুচ্চুনোরে কলাক্কে, “এচ্ছ্যে এ দিন্নো তমার্‌ গোজেন্‌ লগেপ্রভুর নাঙে পবিত্র। তুমি আবিলেচ্‌ বা কানাকুদি ন-গুরিবা।” তে এ কধাগান কলঅ, কিত্যে মানুচ্চুনে বেক্কুনে রীদি-সুদোম কধানি শুনিনে কানদন্‌।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 81:3

আমা পরব দিনোত্ আঙোস্যে আর পূর্ণিমাত্ শিংগা বাজঅ;

যিশাইয় 1:13

বাজে উৎসর্বর জিনিস তুমি আর ন-আন্য। তমার্ আগর্‌বাট্টি জ্বালানা মর্ ঈচ্ লাগে। আঙোস্যে, জিরেবার্ দিন আর ধর্মীয় তেম্মাং-তমা পাপত্তে মুই এ তেম্মাঙানি সোজ্য গুরি ন-পারং।

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

যিহিষ্কেল 45:17

শাজন্‌গুরিয়্যেবোর্ কাম্ অবঅ বেক্ পরব্‌পুন, আঙোস্যে আর জিরেবার দিনুনোত্তে, অত্তাৎ ইস্রায়েল জাদর্ ঠিগ্ গোজ্যে বেক পরব্‌পুনোত্তে পূজ্যে উৎসর্ব, শোজ্য-উৎসর্ব আর পানীয়-উৎসর্বর্ জিনিস যুগেই দেনা। তে ইস্রায়েল জাদর্ পাপ ঢাগি দিবাত্তে পাপ-উৎসর্ব, শোজ্য-উৎসর্ব, পূজ্যে-উৎসর্ব আর উদোলোলি-উৎসর্বর জিনিস যুগেই দিবো।

লেবীয় 16:31

এ দিন্নো অবঅ তমার কামত্তুন্‌ জিরেবার্‌ দিন। এ দিনোত্‌ তুমি বেক্কুনে নিজোর্‌ মনানিরে ভাঙিনে দুঘ্ স্বীগের্‌ গুরিবা। ইয়েন্‌ অবঅ এক্কান্‌ থিদেবর্ গোজ্যে ‍সুদোম।

আমোষ 8:5

তুমি কত্তে, “কক্ক্যে আঙোস্যেগান্ যেবগোই যেনে আমি শোজ্যনি বিজি পারিই? কক্ক্যে জিরেবার দিন্নো থুম্ অবঅ যেনে আমি বাজারত্ গম্ বেজি পারিই? আমি মাবেদে আড়িবো চিগোন গুরিবোং, দাম্ বাড়েবং, ঠগাইদ্যে পাল্লাবো বেবহার গুরিবোং,

গণাণা 10:10

তমার রঙ্গ-ফুত্তির্ সময়োত, তমাত্তে ঠিগ গোজ্যে নানান্‌ পরবর্‌ সময়োত্‌ আর মাসর্‌ পৌইল্যেন্দি যেক্কে তুমি পুজ্যে-উৎসর্বর আর উদোলোলি-উৎসর্বর অনুষ্ঠান গুরিবা সেক্কে তুমি বাঁশি বাজেবা। সিবেলোই তমার্‌ গোজেনর্‌ মুজুঙোত্‌ তমারে তুলি ধরা অবঅ। মুই লগেপ্রভু তমার গোজেন।”

মথি লেখ্যে গম্ হবর্ 15:11

মুয়ো ভিদিরে যিয়েনি যায় সিয়েনি মান্‌জ্যরে অসিজি ন-গরে, মাত্তর্ মুয়ো ভিদিরেত্তুন্ যিয়েনি নিগিলি এজে সিয়েনি মান্‌জ্যরে অসিজি গরে।”

মার্ক 7:19

ইয়েনর্ কারনান্ অলঅ, সিয়েন দঅ তা মনত্ ন-চমে মাত্তর্ পেদত্ সমে আর পরেদি কিয়্যেত্তুন্ নিগিলি যায়।” এ কধাগান্দোই যীশু বুঝেই দিলোদে যে, বেক্ হানাগানি সিজি।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

রোমীয় 14:10

সালে কিত্ত্যে তুই তর্ ভেইয়ো দুষ্ ধরর্? আর কিত্ত্যেই বা তঅ ভেইবোরে থেঝেরা গরর্? বিচেরত্তে আমি বেক্কুনে দঅ গোজেন মুজুঙোত্ থিয়্যেবং।

গালাতীয় 4:10

তুমি বিশেষ বিশেষ দিন, মাস, ঋতু আর বজর্ পালন গরর্!

কলসীয় 2:20

খ্রীষ্ট সমারে মুরিনে তুমি যেক্কে জগদর্ নানান্ সুদোমত্তুন্ দূরোত্ সুরি এচ্চ্য সেক্কে জগদর্ মানুচ্চুনো ধোক্ক্যেন তুমি কিত্ত্যে আরঅ জগদর্ নিয়মর্ অধীন অর্?

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

যাকোব 4:11

ভেইলগ্, তুমি একজন আরেকজনরে নিন্দে ন-গোজ্জ্য। যে কেঅ ভেইয়ো বিরুদ্ধে কধা কয় বা ভেইয়ো দুষ্ তগায় তে রীদি-সুদোম বিরুদ্ধে কধা কয় আর রীদি-সুদোমর্ দুষ্ তোগেইনে বেড়ায়। যুনি তুই রীদি-সুদোমর্ দুষ্ তোগেইনে বেড়াচ্ সালে দঅ তুই সিয়েন ন-পালর্ বরং সিয়েনর বিচের গরর্।

১ শমূয়েল 20:18

পরেন্দি যোনাথনে দায়ূদোরে কলঅ, “এজেত্যেকেল্যে আঙোস্যের্ পরব্‌। সিয়েনত তর্‌ আসনান খালি থেলে তুই যে নেই সিয়েন চোগোত্‌ পুরিবো।

১ শমূয়েল 20:5

দায়ূদে কলঅ, “চাহ্, কেল্যে আঙোস্যের্‌ পরব্‌। রাজার লগে মর্‌ হেবাত্তে বঝিবার্‌ কধা আাঘে। মাত্তর্‌ তুই মরে যেবাত্তে দে। মুই পোরশু রেত্‌ সং মাদ ভিদিরে পৌল্যেই থেম্‌।