কলসীয় 2:15 - Chakma Bible

¹⁵ তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

কলসীয় 2:15 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

মথি লেখ্যে গম্ হবর্ 12:29

বোলী মান্‌জ্যর ঘর কেঅ ভাঙি ন-পারে আর পত্তমে বোলী মানুচ্চোরে বানি ন-রাগেলে কনজনে কি তা ঘরত্ সোমেইনে পযাপিরা লুদেই পারে? বানিলে পরেদি তে সিয়েনি গুরি পারিবো।

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।

লূকে লেখ্যে গম্ হবর্ 11:22

মাত্তর্ যেক্কেনে তাত্তুন্ বেশ্ বোলী কনজন্ এইনে যুনি তারে আক্রমন্ গুরিনে অদেই দে সালে তে যে আত্ত্যেরুনো উগুরে নির্ভর গোজ্যে, অন্য মানুচ্চো সিগুন কাড়ি নেযায় আর লুদেয়্যে জিনিস্‌‌চানি ভাগ গুরি নেযায়।

যোহন 16:11

বিচের পৌইদ্যেনে চেতনা দিবো, কিয়া জগদ গিরোজর্ বিচের্ ওই যেইয়্যে।

যোহন 19:30

যীশু সেই সিরকা হানার্ পরেদি কলঅ, “থুম্ অলঅ।” সিয়েন পরেদি তে মাঢা নিগিরিনে তা আত্মাগান্ গোজেই দিলো।

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

ইফিষীয় 4:8

পবিত্র বোইবোত্ ইয়েনত্যে লেগা আঘেদে, তে যেক্কে স্বর্গত উদিলো, সেক্কে বন্দীগুনোরে চালেইনে নেযেল, আর তে মানুচ্চুনোরে বোউত্ দান্অ দিলো।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

কলসীয় 1:16

কিত্যেই আগাজত্ আর পিত্‍‌‌‌‍‌‍থিমীত, যিয়েনি দেগা যায় আর যিয়েনি দেগা ন-যায়, বেক্কানি তা মাধ্যমে সৃট্টি ওইয়্যে। দাঙর্ অাগাজত্ যিগুনো আঢত্ রাজাগিরি, দোঙেবার, শাসন আর খেমতা আঘে তারারে বেক্কুনোরে তাঁরে দিইনে তাত্যেই সৃট্টি গরা ওইয়্যে।

কলসীয় 2:10

তে দাঙর্ আগাজর্ বেক্কানির্ শাসনগুরিয়্যে আর খেমতার্ অধিকারীগুনোর্ উগুরে।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।