কলসীয় 2:14 - Chakma Bible

¹⁴ আর আমা বিরুদ্ধে যে দলিলানি এলঅ সিয়েনির বেক দাবি-দাওয়া সুদ্ধো সিয়েনি বাতিল গুরি দিয়্যে। সেই দলিলানি তে ক্রুশোত্ পেরেগ্ মারিনে নাকচ্ গুরি ফেল্ল্যে।

কলসীয় 2:14 ပူးပေါင်းရင်းမြစ်များ

নহিমিয় 4:5

তারার্‌ অন্যেয়ানি তুই মাব্‌ ন-গুরিচ্‌ বা তঅ চোগোর্‌ মুজুঙোত্তুন্‌ তারার্‌ পাপ্পানি তুই ফুজি ন-ফেলেচ্‌, কিত্যে যিগুনে দেবালান্‌ গাদাদন্‌ তারার্‌ মুজুঙোত্‌ তারা তরে অগমান্‌ গোজ্যন্‌।”

ইষ্টের 3:12

সে পরেদি পত্তম মাজর্‌ তের দিনোত্‌ রাজার লিগিয়্যেগুনোরে ডাগা অলঅ। তারা পত্তি চাগালার্‌ অক্ষর আর পত্তি জাদর্‌ ভাষা মজিম্ হামনর বেক্‌ উগুমানি নানান্‌ রেজ্যত্‌ আর চাগালার্ শাজন্‌গুরিয়্যেগুনো ইদু আর নানান্‌ জাদর্‌ নেতাগুনো ইদু লিগিনে জানেলাক্‌। সিয়েনি রাজা অহশ্বেরশর নাঙে লেগা অলঅ আর রাজার নিজো আংটিবোলোই সীলমর্‌ গরা অলঅ।

ইষ্টের 8:8

মাত্তর্‌ রাজার নাঙে লেখ্যে আর রাজার আন্দিক্কোই সীলমহ্‌র মাজ্যে কনঅ উগুম্‌ বাদ দিয়্যে ন-যায়। সেনত্তেই ইক্কিনে যেধোক্কেন্‌ তমার্‌ গম্‌ বিলিনে মনে অয় সেই যিহূদীগুনোর পক্ষে রাজার নাঙে আর এক্কান্‌ উগুম্‌ লিগিনে রাজার সই গোজ্যে আন্দিক্কোলোই সীলমহ্‌র মারঅ।”

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

গণাণা 5:23

ধর্মগুরুবো এই বেক্‌ অভিশাপ্পানি চামান উগুরে লিগিনে পানি ঢালিনে লেগাগান্‌ সেই তিদে পানিগানত্‌ ফেলে দিবো।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

কলসীয় 2:20

খ্রীষ্ট সমারে মুরিনে তুমি যেক্কে জগদর্ নানান্ সুদোমত্তুন্ দূরোত্ সুরি এচ্চ্য সেক্কে জগদর্ মানুচ্চুনো ধোক্ক্যেন তুমি কিত্ত্যে আরঅ জগদর্ নিয়মর্ অধীন অর্?

২ থিষলনীকীয় 2:7

মাত্তর্ যিবে তারে মানা গুরি রাগেয়্যে তে সুরি ন-যানা সং মানা গরানাত্ থেবঅ। সে পরেদি সেই অবাধ্যবলা মরদ্‌‌তো ফগদাং অবঅ।

ইব্রীয় 7:18

মোশির রীদি-সুদোমানিয়ে কনঅ কিজুরে পূরোণ গুরি ন-পারে, সেনত্যে আগে ধর্মগুরুগুনোর কামানির্ যে সুদোমান এলঅ সিয়েন খেমতা নেইয়্যে আর অকেজো বিলিনে বাতিল গরা ওইয়্যে। ইক্কিনে তা জাগানত্ তাত্তুন দাঙর্ এক্কান আশ্বাস দিয়্যে ওইয়্যে। সেই আশ্বাস্‌চান্দোই আমি গোজেন ইধু লুমি পারিই।

ইব্রীয় 8:13

গোজেনে এই বেবস্থাগানরে নূয়ো ফগদাং গুরিনে আগ বেবস্থাগানরে পূরোণ বিলিনে অচল্ গুরি দিলো। যিয়েন পূরোণ আর ভালোক্ দিনোর বিলিনে বর্‌‌বাত্ ওই যার্ সিয়েন যাদিমাদি লুগি যেবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।