কলসীয় 1:25 - Chakma Bible

²⁵ গোজেনে তা কধানি তমা ইধু পুরোপুরি প্রচার গুরিবার ভারান্ মঅ উগুরে দিয়্যে বিলিনে মুই মন্ডলীর এক্কো সেবাগুরিয়্যে ওইয়োং।

কলসীয় 1:25 ပူးပေါင်းရင်းမြစ်များ

১ করিন্হীয় 3:5

আপল্লো কন্না? আর পৌলে বা কন্না? আমি দঅ বানা সেবাগুরিয়্যে যিগুনোর্ মাধ্যমে তুমি বিশ্বেজর্ পধত্ এচ্চ্য। প্রভু আমারে পত্তিজনরে যার্ যার্ কাম দিয়্যে।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

ইফিষীয় 3:2

তুমি খামাক্কায় শুন্ন্যদে যে, গোজেনে তার্ দোয়্যের্ বেবস্থা তমারে জানেবার ভারান্ মঅ উগুরে দিয়্যে।

ইফিষীয় 3:7

গোজেনে তার্ দাঙর্ খেমতা অনুসারে মরে যে দোয়্যে গোজ্জ্যে সেই দোয়্যের্ দান ইজেবে তে মরে গম্ হবর্ প্রচার গুরিবার কামান্ দিয়্যে।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।