আমোষ 9:9 - Chakma Bible

⁹ মুই উগুম দিম, আর চালোনত্ যেবাবোত্যেগুরি শোজ্য ঝারন্ সেবাবোত্যেগুরি বেক্ জাদ ভিদিরে মুই ইস্রায়েলর বংশবোরে ঝারিম, মাত্তর্ বিজিও মাদিত্ ন-পড়িবাক্।

আমোষ 9:9 ပူးပေါင်းရင်းမြစ်များ

যিশাইয় 27:12

ও ইস্রায়েলীয়গুন্, সেদিন্যে বেঈ যেইয়্যে ইউফ্রেটিসত্তুন্ মিসরর্ শুগুনো গাঙান সং শোজ্য মারেদে ধোক্ক্যেন্ গুরি লগেপ্রভু তমারে মাড়িবো, আর এক এক গুরিনে তমারে এগত্তর্ গুরিবো।

যিশাইয় 28:28

ভালোক্ দিন ধুরি কনজনে গম ন-মাড়ন্, সেক্কে সিগুন বর্‌‌‌বাত ওই যায়; মাড়িবার অক্তত্ তে সিগুন উগুরেদি এধোক্ক্যেন গুরি গাড়ি চাক্কাগুন্ আর ঘোড়া চালায় যেনে সিগুন বর্‌‌‌বাত ন-অয়।

যিশাইয় 30:28

তা নিজেস্‌চো যেন জুরে এচ্চ্যে গঙার পানি যিয়েন মান্‌জ্যর গত্তনা সং উদে। তে বেক্ জাদ্‌‍‌‍‌‌তুনোরে ভস্তর্ চালোন্দোই চালেব আর বেক্ জাদর্ মানুচ্চুনোর মুয়োত্ এমন্ মোগোনি খাজা দিবো তারারে ভস্ত অনাগানর্ ইন্দি টানি নেযেব। ‍‌

যিরমিয় 31:36

তে কোইয়্যেদে, “যুনি এই সুদোমান মঅ চোগো মুজুঙোত্তুন্ লুগি ওই যায় সালে ইস্রায়েলীয়গুনেয়ো জাদ্ ইজেবে মঅ মুজুঙোত্তুন্ শেজ্ ওই যেবাক্।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

যিরমিয় 49:36

মুই আগাজ চেরোকিত্তেত্তুন্ চেরান্ বোইয়্যের্ এলম বিরুদ্ধে আনিম। সে বোইয়্যেরত্ মুই তারারে চেরোকিত্তে ছিদি দিম; এলমর দূর্ গুরি দিয়্যে বন্দীগুনে বেক্ জাদ্‌‌‌তুনো ইধু যেবাক্।

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 36:19

মুই নানান্ জাদ্ আর দেজ ভিদিরে তারারে ছিদি দুয়োং; তারার্ আচার-বেবহার আর কামানি অনুসারে মুই তারারে সাজা দুয়োং।

যিহিষ্কেল 39:28

সেক্কে তারা হবর্ পেবাক, মুয়ই তারার্ গোজেন লগেপ্রভু, কিত্যে নানান্ জাদ ভিদিরে তারারে বন্দীদজাত্ পাদেলেয়ো মুই তারারে নিজো দেজত্ ফিরেই আনিম, কাররে ফেলেই ন-রাগেম।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

লূকে লেখ্যে গম্ হবর্ 22:31

“শিমোন, শিমোন, চাহ্, শদানে তমারে গম ধোক্ক্যেন্ গুরি চালোন্দোই ঝারি চেবাত্যে অনুমতি চেইয়্যে।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।