আমোষ 9:7 - Chakma Bible

⁷ লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?

আমোষ 9:7 ပူးပေါင်းရင်းမြစ်များ

২ রাজাবলী 16:9

আসিরিয়ার রাজা রাজী ওইনে দামেস্কগান্ আক্রমণ গুরিনে সিয়েন্‌ গজক গুরি নেযেল। তে সিদুগোর্‌ মানুচ্চুনোরে বন্দী গুরিনে কীরোত্‌ নেযেল আর রৎসীনরে মারে ফেলেল।

২ বংশধর 14:12

সেক্কে আসা আর যিহূদার মানুচ্চুনো মুজুঙেত্তুন্‌ লগেপ্রভু কূশীয়গুনোরে ওদেই দিলো। সেক্কে কূশীয়গুনে ধেই গেলাক্‌।

২ বংশধর 14:9

পরেন্দি কূশ দেজর্‌ সেরহ দশ লাখ্‌ সৈন্য আর তিনশ রথ লোইনে যিহূদার মানুচ্চুনো বিরুদ্ধে নিগিলিনে মারেশা সং উজেই গেলঅ।

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যিশাইয় 20:4

ঠিগ সেধোক্ক্যেন্‌গুরি আসিরিয়ার রাজা মিসররে লাজত্ ফেলেবাত্তে মিসরীয় আর কূশীয় বন্দীগুনোর পুয়ো-বুড়ো বেক্কুনোরে লাংটা অবস্থায়, সুদো টেঙোই আর পিজেদি-খুলো অবস্থায় নেযেব।

যিশাইয় 22:6

এলমর মানুচ্চুনে সেল্ থবার্ কাল্লোঙো তুলি নেযেয়োন; তারা সমারে রথ আর ঘড়া চালেয়্যেগুনোর দল্লো আঘে। কীরোর মানুচ্চুনে ঢাল্লোই যুক্কোল্ ওইয়োন।

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিরমিয় 13:23

কূশ দেজর্ মান্‌‌‍‍‍জ্যে কি তা কিয়্যে রঙান্ বা হোক্ক্যে বাঘে কি তা কিয়্যের্ ফুদো ফুদো দাগ্‌‌‍‍‍‍‍‍কানি বুদুলি ফেলেই পারে? তুইয়ো সেধোক্ক্যেন গম্ কাম গুরি ন-পারচ্, কিত্তে তুই ভান্ন্যেই কাম্ গরানা অভ্যেস্ গুরি ফেলেয়োচ্।‍

যিরমিয় 47:4

পলেষ্টীয়গুনোরে বেক্কুনোরে ভস্ত গুরিবার দিন আর সোর আর সীদোনর সাহায্যগুরিয়্যে বাদবাগি বেক মানুচ্চুনোরে মারে ফেলেবার দিন গোনেই এচ্চ্যে। মুই লগেপ্রভু পলেষ্টীয়গুনোরে, অত্তাৎ ক্রীৎ দ্বিবোত্তুন্ এচ্চ্যে মানুচ্চুনোরে ভস্ত গুরিম।

হোশেয় 12:13

মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে।

আমোষ 1:5

মুই দামেস্কর গেদো হুক্কো ভাঙি ফেলেম; মুই আবন কলগর্ মানুচ্চুনোরে আর বৈৎ-এদনত্ যে মানুচ্চো রাজলুদিক্কো ধুরি আঘে তারে ভস্ত গুরিম। অরামর মানুচ্চুনোরে বন্দী ওইনে কীরে ইদু যেবাক্।”

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

দ্বি’লম্বর বিররণ 2:23

ক্রীটত্তুন ক্রীটীয়গুনে এইনে অব্বীয়গুনোরে শেজ্ গুরি দিইনে তারার্‌ জাগানিত্‌ বজত্তি গোজ্যন। অব্বীয়গুনে সেক্কে গাজা সং বেক্‌ আদামানিত্‌ বজত্তি গুরিদাক্।