আমোষ 9:6 - Chakma Bible

⁶ তে আগাজত্ তা অজল্ ঘরান বানেয়্যে আর পিত্‌থিমীগান উগুরে চানান ধোক্ক্যেন আগাজ্‌চানরে থিদেবর্ গোজ্যে; তে সাগর পানিগানরে ডাগিনে ভূইয়ো উগুরে ঢালি দে। যিবে ইয়েনি গরে তা নাঙান্ লগেপ্রভু।

আমোষ 9:6 ပူးပေါင်းရင်းမြစ်များ

পত্থম 2:1

এধোক্ক্যেনগুরি আগাজ্‌চান আর পিত্‌থিমীগান আর ইয়েন ভিদিরে বেক্কানি বানানা থুম্‌ অলঅ।

গীতসংহিতা 104:13

তর্ স্বর্গর থেবার জাগানত্তুন্ তুই মুড়ো-মুড়ি উগুরে পানি ফেলাচ্; তর্ সেই কামানত্তে পিত্‌থিমীগানে হুজি অয়।

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।