আমোষ 9:2 - Chakma Bible

² তারা মরণ জাগানর্ গভীন সং খুড়িনে সিদু গেলেয়ো মঅ আঢ্‌‌‌তানিয়ে সিত্তুন্ তারারে আনিবো। তারা আগাজ সং উদিলেয়ো সিত্তুন্ তারারে লামেই আনিম।

আমোষ 9:2 ပူးပေါင်းရင်းမြစ်များ

ইয়োব 20:6

তা সর্মানান্‌ যুনিয়ো আগাজ্‌ সং লুমেগোই আর মাধাবো আগাজত্‌ বাজে,

ইয়োব 22:13

তো তুই কত্তে, গোজেনে কি হবর্‌ পায়? এ আন্ধার ভিদিরে গোজেনে কেধোক্ক্যেন্ গুরিনে বিচের্‌ গরে?

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

ইয়োব 26:6

গোজেন মুজুঙোত্ মরণনর্ জাগায়ান নাঢা যেইয়্যে নেই; ভস্ত অবার জাগায়ান খুলো রোইয়্যে।

ইয়োব 34:22

এমন্ কনঅ আন্ধার জাগা বা ঘন ছাবা নেই যিয়েনত্ বজং কাম গোজ্যে মানুচ্চুনে পোইল্যে থেই পারন।

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 31:14

সিয়েনত্তে পানি পার অন্য কনঅ গাজে অহংকারে অজল্ ন-অবঅ, তার মাঢাবো আগাজত্ ন-লুমিবো আর তে এদক্ অজলজত্‌অ ন-লুমিবো। তারা বেক্কুনে মান্‌‌‌‌জ্য ধোক্ক্যেন মরণর্ তলে; তারা পিত্‌‌‌‌থিমীর গভীনোত্, অত্তাৎ মরণ জাগাত্ লামিবাত্তে ঠিগ্ ওই আগন।

ওবদিয় 1:4

যুনিয়ো তুই ঈগল পেগো ধোক্ক্যেন অজলত্ ঘর্ বানাচ্ আর তারাগুনো ভিদিরে ঘর বানাচ্ তো মুই সিয়েনিত্তুন তরে লামেই আনিম। মুই লগেপ্রভু এ কধাগান কঙর্।

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।