আমোষ 9:13 - Chakma Bible

¹³ লগেপ্রভু আর কত্তে, “সে দিনুন্ এজের্ যেক্কে এদক্ শোজ্য জোর্মেবাক্ যে, সিগুন বেক্কুন কাবিবার আগে আরঅ চাষ গুরিবার সময় এবঅ আর এদক্ আংগুর অবাক্ যে, সিগুন বেক্কুন মাড়িবার আগেদি আরঅ ফসল লাগেবার সময় এবঅ। দাঙর্ দাঙর্ মুড়োগুনোত্তুন্ বোউত্ নূয়ো আংগুর-রস পাহ্ যেবঅ আর সিগুনে বেক চিগোন্ চিগোন্ মুড়োগুনোরে যেন ধোইনে নেযেব।

আমোষ 9:13 ပူးပေါင်းရင်းမြစ်များ

পত্থম 49:11

যিহূদা আংগুর্‌ গাজত্‌ তা গাধাগুন্‌ বানিবো, আর আংগুরো বোল্‌বোল্যে ডেলাবোত্‌ বানিবো গাধা ছবো। আংগুরো-রস্‌সোই তে তা কাবড়ানি কাজেব, আর আংগুরো রাঙা রস্‌ছোই কাবড়-চুগোরানি ধবঅ।

গীতসংহিতা 97:5

লগেপ্রভুর মুজুঙোত্, বেক দুনিয়েগান প্রভুর মুজুঙোত্ মুড়ো-মুড়ি মুম ধোক্ক্যেন গুলি যেইয়্যে।

যিশাইয় 16:10

ফল বাগানানিত্তুন্ ফুত্তি আর হুজির ভাব্‌পান দূর্ গরা ওইয়্যে। আংগুর-খেদত্ আর কনজনে গান বা রঅ ন-ছাড়ে, আর আংগুর মাড়েদে জাগানত্ কনজনে মাড়িনে রস ন-নিগিলেন, কিত্তে সে রঅ ছাড়ানাগান বন্দ গুরি দিয়্যে ওইয়্যে।

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

যিহিষ্কেল 36:35

তারা কবাক্, এ দেজ্‌‌চান আঘে ভস্ত ওই পড়ি এলঅ, মাত্তর্ ইক্কিনে সিয়েন এদন বাগান ধোক্ক্যেন ওইয়্যে; তার শঅরানি ভস্ত, মানুচ্ নেইয়্যে আর ভাংগাচুরো ওই পোজ্যে এলঅ, মাত্তর্ ইক্কিনে সিয়েনি দেবাল-ঘিজ্যে আর বজত্তি গুরিবার জাগা ওইয়্যে।

যোয়েল 2:24

খলাবো শোজ্যলোই ভুরি যেবঅ; পিলেত্তুন্ আংগুর-রস আর তেল উগুরি পড়িবো।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

যোয়েল 3:20

আগে ইগুনোরে মুই দুষী বিলি ধোজ্যং, মাত্তর্ ইক্কিনে তারার্ দুষ্‌‌‌‌চান মুই খেমা গুরিম। মানুচ্চুনে যিহূদাত্ উমরত্যে বজত্তি গুরিবাক্ আর যিরূশালেমত্ বজত্তি গুরিবাক্ বংশর পর বংশ ধুরি, আর মুই লগেপ্রভু সিয়োনত্ বজত্তি গুরিম।”

লেবীয় 26:5

সেক্কে তমার্‌ গম্‌ মাড়ানা কাম্‌ চুলিবো আংগুর তুলোনা অক্ত সং আর আংগুর তুলোনা চুলিবো বীজ লাগানার্‌ অক্ত সং। তুমি সেক্কে পেট ভুরিনে হেই পেবা আরঅ দেজ ভিদিরে চিদেসজ্জা নেইয়্যে গুরি বজত্তি গুরি পারিবা।

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

যোহন 4:35

তুমি কি ন-কঅ, ‘আর চের্ মাস বাগি আঘে, সে পরেদি শোজ্য কাবিবার্ সময় অবঅ’? মাত্তর্ মুই তমারে কঙর্, চোগ্ তুলিনে একবার্ ক্ষেদ ইন্দি রিনি চঅ, শোজ্য কাবিবার্ অক্‌ত ওইয়্যে।

বিচের গুরিয়্যেগুন 5:5

সেক্কে লগেপ্রভুর মুজুঙোত্‌ মোন্‌-মুড়োগুন্‌ গির্‌গিরে উদিলাক্‌, ইস্রায়েলর গোজেন লগেপ্রভুর মুজুঙোত্‌ সিনাই মুড়োবো গির্‌গিরে উদিলো।