আমোষ 9:12 - Chakma Bible

¹² যেনে ইস্রায়েলীয়গুনে ইদোমর্ বাদবাগী ভাগ্‌‌‌কান আর মর্ অন্য বেক জাদ্‌‌‌তুনোর্ দেজ্‌‌‌চানি গজক্ গুরি পারন।‌‌‌‌‌‌‌‌‌‌‌” লগেপ্রভু, যিবে এই বেক্ কামানি গরে, তে এ কধানি কোইয়্যেদে।

আমোষ 9:12 ပူးပေါင်းရင်းမြစ်များ

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

পত্থম 27:37

জোবত্‌ ইস্‌হাকে কলঅ, “চাহ্, মুই তারে তঅ গিরোজ্‌ বানেয়োং আর তা গুট্টির্‌ বেক্কুনোরে তা চাগর্‌ বানেয়োং। মুই তাত্তে ফসল আর আংগুর-রসর্‌ বেবস্থা গোজ্যং। ইয়েন পরেদি বাবা, মুই তত্তে আর কি গুরি পারং?”

গীতসংহিতা 60:8

মোয়াবপান মর্ টেং ধবার পিলে; মুই ইদোম উগুরে মর্ ঠেঙর্ জদানি ফেলেম; আর পলেষ্টীয়া, মত্তেই তুই রঅ ছাড়ি উঠ্।”

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 63:19

তুই যিগুনো উগুরে কনদিন্অ সদ্দারি ন-গরচ্, যিগুনোরে কনদিন্অ তঅ নাঙে ডাগায়ো ন-অয়, ইক্কিনে আমি তারার্ সং সং ওইয়্যেই।

যিশাইয় 65:1

লগেপ্রভু কোইয়্যেদে, মুই এ মানুচ্চুনোরে মইদু কোজোলী গুরিবার সুযোগ দুয়োং, মাত্তর্ তারা মইদু কনঅ কোজোলী ন-জানান্; মুই তারা ইদু এলুং, মাত্তর্ তারা কনঅ সাহায্যত্তে মইদু ন-এজন্। মুই এ জাদর্ মানুচ্চুনোরে কোইয়োং, এইয়্যে দঅ মুই, এইয়্যে দঅ মুই, মাত্তর্ তারা মইদু তবনা ন-গরন্।

যিরমিয় 14:9

কিত্তে তুই দিগ্‌‌‌‌‌‌‌কাবুলো ওইয়্যে মান্‌‌‌‍জ্য ধোক্ক্যেন, রোক্ষ্যে গুরি ন-পাজ্যে এমন যোদ্ধা ধোক্ক্যেন ওইয়োচ্? ও লগেপ্রভু, তুই আমা ভিদিরে আগচ্ আর আমি দঅ তরই; তুই আমারে ছাড়ি ন-যেচ্।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

যোয়েল 3:8

তমা পুয়ো-ঝিগুনোরে মুই যিহূদার মানুচ্চুনো ইধু বিজি দিম আর তারা দূরোর শিবায়ীয় জাদ ইধু তারারে বিজি দিবাক্।” এ কধাগান লগেপ্রভু কোইয়্যে।

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

প্রেরিত্‌ 15:17

যেন অন্য বেক্‌ মানুচ্চুনে, অত্তাৎ যিদুক্কুন অযিহূদীরে মর্ বিলিনে ডাগা ওইয়্যে তারা মরে তোগেই পারন্।’ প্রভু, যিবে ইয়েনি বেক্ কামানি গরে তে এ কধানি কর্, আর প্রভুই এ বেক্ক্যানি গরের্।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”