আমোষ 9:11 - Chakma Bible

¹¹ লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

আমোষ 9:11 ပူးပေါင်းရင်းမြစ်များ

ইয়োব 1:10

তুই কি তা চেরোকিত্তে আর তা ঘরর্‌ আর তার্‌ যিয়েনি আঘে সিয়েনির্‌ চেরোকিত্তে ঘিরিনে ন-রাগাজ্‌? তুই দঅ তা কামত্‌ বর্‌ দুয়োজ্‌, সেনত্তেই তার্ এ্যমানপাল্লোই দেজ্‌ছান ভুরি যেইয়্যেগোই।

গীতসংহিতা 143:5

মুই পুরোণি দিনুনোর্ কধা ইদোত্ তুলোং, তর্ বেক কামানি পৌইদ্যেনে ধ্যান গরং; তঅ আঢ্‌তানিয়ে যিয়েনি গোজ্যে সিয়েনি ভাবঙর্।

গীতসংহিতা 80:12

কিত্তে তার রোক্ষ্যে-দেবালান্ তুই ভাঙি দিলে, যিয়েনত্যে যিগুনে তা কায়-কুরেন্দি যান তারা সেই গুলোগুন ছিনোন্?

গীতসংহিতা 89:40

তার রোক্ষ্যে গরেদে-দেবালান্ তুই ভাঙি দুয়োচ্; তার বেক্ তাম্বুলানি ভস্ত গোজ্যস্।

যিশাইয় 16:5

অমকদ কোচ্‌পানালোই দায়ূদোর রাজঘরত্ এক্কান সিংহাসন থিদেবর্ গরা অবঅ; এক্কো বিশ্বেজি মানুচ্ তা উগুরে বুজিবো। তে গমেডালে বিচের গুরিবো আর যাদিমাদি ন্যায় জিনিস্‌ছান থিদেবর্ গুরিবো।‌‌‌

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিরমিয় 18:9

আর অন্য কন্ সময় মুই কন্ জাদ্ বা রেজ্যরে গাদেই তুলিম আর থিদেবর্ গুরিবার কধা ফগদাং গুরিলে যুনি তে মঅ চোগেদি ভান্ন্যেই কাম্ গরে আর মঅ কধা ন-শুনে, সালে তাত্তে যে ভালেদি গুরিবার আওজ্ মুই গোজ্যং সিয়েন ন-গুরিম।

যিরমিয় 30:9

সিয়েনর বদলে তারা তারার গোজেন লগেপ্রভুর আর তারার রাজা দায়ূদোর এক্কো বংশধররে সেবা গুরিবাক্ যিবেরে মুই তারার রাজা বানেম।

যিরমিয় 46:26

যিগুনে তারারে মারে ফেলেবাত্তে চান সে বাবিল রাজা নবূখদ্‌নিৎসরে আর তা সৈন্যদলুনোর্ আঢত্ মুই তারারে তুলি দিম। মাত্তর্ পরেদি মিসরত্ আরঅ আগ ধোক্ক্যেন মানুচ্ বজত্তি গুরিবাক্। মুই লগেপ্রভু এ কধাগান কঙর্।”

আবিলেচ্ 5:21

ও লগেপ্রভু, যুনি তুই আমারে এক্কুবারে এলাফেলা ন-গুরি থাচ্, যুনি তুই আমা উগুরে অমকদ বেজার্ ন-ওই থাচ্, সালে তইদু আমারে ফিরেই নেযা যেনে আমি ফিরি এই পারিই; আমা পুরোণি অবস্থাগান্ ফিরেই দে।

যিহিষ্কেল 17:24

ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

যিহিষ্কেল 36:11

মুই তমা উগুরে মানুচ্ আর য়েমান বাড়েই দিম আর তারা ফলবান আহ্ জনেদি বোউত্ অবাক্। মুই তমা উগুরে আগ ধোক্ক্যেন মানুচ্ বজত্তি গোরেম্ আর আগত্তুন্‌অ বেশ্ তমারে বেশ্ ভালেদি দান গুরিম। সেক্কে তুমি হবর্ পেবা যে, মুয়ই লগেপ্রভু।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

ওবদিয় 1:17

মাত্তর্ সিয়োন মুড়োবোত্ কয়েক্কো মানুচ্ রোক্ষ্যে পেবাক্; তারা অবাক্ গোজেন নাঙে যুদো গোজ্যে মানুচ্। যাকোবর বংশবো তারার্ পাওনা সাজা সোম্বোত্তি পেবাক্।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মীখা 7:11

ও যিরূশালেম, সে অক্তত্ তর্ দেবাল গাদনিগান তুলো অবঅ, তঅ দুযিগান বাড়া অবঅ।

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

সখরিয় 12:7

মুই লগেপ্রভু পত্তমে যিহূদার থেবার জাগায়ানি উদ্ধোর্ গুরিম যেনে দায়ূদো বংশর আর যিরূশালেম আদাম্মেগুনোর সর্মান যিহূদার অন্য মানুচ্চুনোত্তুন্ বেশ্ ন-অয়।

সখরিয় 14:10

যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

সখরিয় 6:12

তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।

গণাণা 24:18

শত্রুগুনে ইদোমরে, অত্তাৎ সেয়ীররে গজক্ গুরিবাক, মাত্তর্‌ ইস্রায়েলীয়গুনে বীরো ধোক্ক্যেন কাম্‌ গুরিবাক।